大發餐廳開心菜館

营业中

休息中

因为做嘢要去到洪水桥轻铁站附近先有时间食嘢，但系响𠮶边人生路不熟，结果就响最近轻铁站附近嘅地方随便揾一间食，门口望落去系有种有少少历史嘅茶餐厅感觉，入到入边地方都几大，同埋可能因为时间比较晚餐早，所以人都唔算多。里面嘅人都好客气话我知坐边度比较冷气好啲，跟住都会话俾我听仲有下午茶。啱啱我又系觉得比较早，所以唔想食太多野，结果叫咗一个下午茶嘅免治牛肉饭同埋红豆冰。免治牛肉返嚟到啲汁都仲好热，亦都比我想像中大碗，食落去都还可以，有少少偏咸，但系加埋饭就啱啱好。红豆冰啲红豆系会有少少溶溶地𠮶啲，啱我口味，奶方面就少少偏淡。整体嚟讲都系OK嘅，尤其是洪水桥站附近好似食嘢地方都唔算多，佢又靠近轻铁站，呢度可以加分。