CHIMAC (連城廣場)

营业中

休息中

今日阿仔话好想食韩国嘢，同埋想食炸鸡，一谂就谂到呢度，好近屋企附近，同埋之前食过佢另外啲分店觉得都OK。啲座位都舒服，好阔落，好干净，我哋入去嘅时候好多中学生用餐时间，佢个价钱好抵食。- 韩式炸鸡腿肉(6件)：港式避风塘味，啲蒜蓉炸香左，但系唔系好辣，啲蒜蓉碎可以捞饭食😂啲鸡入边都炸得几好，唔会好干身，同埋好滑。之前食过完美都几好食，所以今次就食吓呢个新出嘅口味。- 炸紫菜卷2串：几好食，炸得刚刚好，入边有啲粉丝。- 烤牛肉溏心蛋饭：好钟意佢个汁，啲牛肉都几多，另外仲有只糖心蛋，侧边有少少泡菜。整体唔错，地点又方便。