家上海 (形點 I)

营业中

休息中

系元朗嘅上海舖头唔多，要好食ge唔多而且要就脚更加唔会多，而元朗呢间家上海，我就觉得正正有齐以上嘅优点😂元朗分店加上海系喺元朗Yoho一期，喺元朗西铁站行过去好近，大约五至10分钟就到！平日呢间餐厅都好多人排队，可见佢食物都唔算太差。甘今日我就叫左熏鱼、麻香鸡丝粉皮、小笼包、一碗酸辣汤、半分浓汤砂锅云吞鸡、密栈火方响铃夹同埋荠菜肉丝炒年糕。个人觉得熏鱼同埋鸡丝粉皮就做得麻麻地，熏鱼个汁做得唔错不过鱼就做得比较大件唔够薄，粉皮就攞得太多芝麻酱，食落口感麻麻地！不过至于其他食物就做得几好，例如酸辣汤酸度同辣度适中唔会太辣，云吞鸡个汤煮得好味加埋云吞一齐食非常夹！火方响铃夹食落脆口而且甜甜地几好味😋至于个炒年糕又唔会太油又唔会太过咸。总括间餐厅方便就脚，食物质素还可以，不过价钱就略为贵左小小，间唔间中食都系一间唔错嘅选择！