源味燉湯

营业中

休息中

两小口子都要返工，平日都冇乜机会煲汤，放假煲一大煲汤又有排饮，如果想饮汤，外卖炖汤就系最佳嘅选择，今日就发现咗呢间系屋企附近嘅「源味炖汤」。餐厅除咗有唔同嘅炖汤外，亦有多款卤水及沙姜小食，价钱都算相宜，啱晒一d无饭家庭。粟米椰子乌鸡炖汤 :呢度嘅汤都系每日炖制，再密封包装及冷藏，客人可以返屋企自己翻热，或叫餐厅翻热再返屋企饮。一剪开包装袋已经闻到好香椰子味，汤包非常足料，有椰子、半只乌鸡、粟米及蜜枣等等，味道好清甜，乌鸡炖得好淋，再加埋餐厅特制豉油食，份外美味。微辣卤水猪髀 :即叫即切，一只猪髀份量相当多，猪髀煮得好腍淋好入味，起骨后啖啖肉，外皮烟韧弹牙，最有惊喜嘅系餐厅附上嘅微辣卤水汁，咸咸地带点辣味，令人非常开胃。沙姜鸡翼 :鸡翼大大只，肉质鲜嫩弹牙，配上餐厅嘅沙姜粒粒酱，更加惹味。