源味燉湯

营业中

休息中

真係驚喜！喺這家店試咗幾樣野食，呢個經驗簡直係精彩！首先，粟米椰子燉烏雞湯叫我覺得好溫暖，椰香同粟米嘅甜味撲鼻而來，令人心花怒放🌺；烏雞肉滋味深長，咀嚼間滋味不絕。跟住，白切沙薑雞平凡無奇嘅外表下，其實鮮嫩得嚟又唔失雞嘅原汁原味，搭上嗰沙薑醬更加係噴香四溢！然後，微辣滷水雞翼份量足又惹味，啖啖肉嘅香軟同埋微辣滷水汁嘅層次感，甘香微辣好夾，真係一絕👌😍。總之，如果你都係返工過後想有個好嘅晚餐享受，呢間店肯定滿足到你！食物鮮味，份量足，令人食指大動！🍽️

鄰居介紹屋苑附近開咗間燉湯店，今日放工就經過去買返碗，啱晒寒冷的天氣😋點二人餐好抵食$198 🥢包括一個湯及兩款小食，沙薑雞翼滷水雞翼👍🏻沙薑雞翼配秘製沙薑汁🥢好入味，雞肉非常嫩滑。滷水雞翼脹卜卜，入味，送白飯好正🍚單點一個滷水汁豬腳🍖豬腳好彈滑，恰到好處，有小小咬口，豬皮豬肉部分好均勻腰果木瓜雪耳燉素湯🫕素湯非常清潤，想不到素湯咁甜，木瓜肉好甜又新鮮加一個手撕雞飯🥢食得出唔係雪藏雞肉，同埋青瓜，手撕雞汁好惹味🌟好欣賞廚師對菜式嘅執着，非常多特製醬汁。會繼續幫襯

放工實在太累，不想煮飯，就到樓下買個健康外賣，外賣都可以食得健康。個套餐好抵食，$198 二人套餐，包括2 人份量的燉湯，及兩款小食。燉湯方面有烏雞的三款需要加$20 ，素湯就不需補錢，食好啲，揀左粟米椰子燉烏雞湯，包裝乾淨整潔，可以拎返屋企加熱或者店內加熱 。回家倒出嚟有大件烏雞，味道清甜一人一碗。小食方面可以揀選兩款鹵水或者沙薑味道的小食 ，兩款鹵水雞翼同埋鹵水豬手都非常入味，豬手qq彈滑。另外再單點一款惹味手撕雞飯$68, 有四分之一隻雞嘅份量再加半條青瓜，日日新鮮製造，仲有秘製辣汁，非常美味，雞肉新鮮。咁近屋企，真係要多啲幫襯。

平時番工忙到癲，放工都係食個快飯，開心大發現係景峰呢邊有間新開既老火湯小店，仲有飯食添呀！好，睇下有咩湯好飲先。源味淮山螺片紅棗燉烏雞湯，燉足4個鐘，湯包一包過放落水加熱，方便衛生，超級足料。足多兩人份，個湯唔會油，鮮甜有烏雞味，半隻烏雞仲可以點醬料食。惹味手撕雞飯，成個飯都舖滿手撕雞肉，超抵食，，雞肉滑滑，而且飯量又足。沙薑雞翼，雞翼本身都煮得入味，再配埋沙薑汁，又可以拌飯。微辣滷水豬手，豬手好肥美，有成6舊大大件，豬皮幾靚幾乾淨，個秘製辣醬汁，又香又辣，不得了！

屯門紅橋係美食小店集中地🤤最近冇煮飯又想飲下自家湯水可以試下呢間燉湯外賣店多款燉湯真材實料，見到每碗湯都用料十足除咗有燉烏雞湯、椰子湯、腰果湯，仲有豬手、豬脾、雞翼、滷水蛋等小食！叫咗源味2人家庭燉湯套餐配小食 $198粟米椰子燉素湯🥥好香好足料一打開湯包就聞到香濃椰子味椰子同粟米燉出嚟嘅湯清甜滋潤！小食沙薑豬手好入味，沙薑味好開胃香而不膩，清爽開胃，補充滿滿嘅骨膠原微辣滷水雞翼表面係平平無奇嘅滷水雞翼但配自家製辣滷水汁，辣得嚟好惹味🌶️除咗燉湯餐之外，仲有滷水豬髀飯加咗滷水醃製過嘅豬脾，好有豬皮骨膠原嘅口感🤤都好好味啊！

住家靚湯·屯門作為一個喜愛飲湯水既我 平時都會自己煲下湯水～但時下真係好方便就買到現成無添加既主家靚湯❤️今次同Jamie 去景峰參加畫班 無意中發現到呢間新開業既小店 佢地主打外賣湯包 豬手 雞翼 等等~小店既食物真係拍得住家的味道 如果比較抗拒味精既朋友就更加要黎試吓🍱今次試左$198 二人套餐，其中包括左一包500ml 連湯料既湯包我就選左源味粟米椰子烏雞湯～椰子味相對突出 仲有大量大大隻雞 份量都幾唔錯！原隻豬手份量比想像中多～豬手炆得好冧 好彈qq ~再配合小店自家制既辣汁令到肉味好突出☑️整體黎講都好推介～有興趣快啲去試吓啦！源味燉湯 (屯門)屯門青翠徑7號金邦大廈地下高層6號舖

兩小口子都要返工，平日都冇乜機會煲湯，放假煲一大煲湯又有排飲，如果想飲湯，外賣燉湯就係最佳嘅選擇，今日就發現咗呢間係屋企附近嘅「源味燉湯」。餐廳除咗有唔同嘅燉湯外，亦有多款滷水及沙薑小食，價錢都算相宜，啱晒一d無飯家庭。粟米椰子烏雞燉湯 :呢度嘅湯都係每日燉製，再密封包裝及冷藏，客人可以返屋企自己翻熱，或叫餐廳翻熱再返屋企飲。一剪開包裝袋已經聞到好香椰子味，湯包非常足料，有椰子、半隻烏雞、粟米及蜜棗等等，味道好清甜，烏雞燉得好淋，再加埋餐廳特製豉油食，份外美味。微辣滷水豬髀 :即叫即切，一隻豬髀份量相當多，豬髀煮得好腍淋好入味，起骨後啖啖肉，外皮煙韌彈牙，最有驚喜嘅係餐廳附上嘅微辣滷水汁，鹹鹹地帶點辣味，令人非常開胃。沙薑雞翼 :雞翼大大隻，肉質鮮嫩彈牙，配上餐廳嘅沙薑粒粒醬，更加惹味。

源味燉湯的店鋪位置近於屯門輕鐵站 步行約5-10分鐘便會到達，非常方便。椰子粟米烏雞燉湯主要成份由粟米、印度椰子、蜜棗、烏雞等多種材料和每天早上自家燉製多個小時而成的燉湯。注意：每日新鮮製造嫩湯分量約500/ML足以2人飲用，放雪櫃可3日如冰格可2星期✨✨煲過湯水的印度椰子肉份量非常多，好清甜及帶有濃厚的椰子味道，當餸菜去食用都不錯👍🏻而烏雞肉質軟腍，點上秘製的豉油汁，好食👏🏻小食選擇了滷水雞翼及砂礓豬手。豬手點上了沙薑汁 非常夾。豬手黏黏的的很重骨膠原，是女性的恩物，推介🤩滷水雞翼滷得非常入味，肉質嫩及飽滿。推介🤩手撕雞是採用新鮮的三黃雞，這種雞肉質嫩滑，皮脆骨軟，脂肪豐滿和味道鮮美。老闆還熱推星級坐月/補身湯水。有套餐卷形式去銷售。適合女性懷孕後補身的湯水套餐！推介指數：⭐️⭐️⭐️⭐️⭐️

平時在屯門返工，放工也會買外賣回家。最近發現屯門有一間質素高的外賣店，仲有埋燉湯！:「源味燉湯」。試了他們的2人家庭燉湯套餐，$198，其中包括任選一款湯的2人份量（500ML）和2份小食（滷水／沙薑）。首先是湯品，我選擇了源味竹苼螺片燉烏雞湯。這碗湯散發著濃郁的香氣，湯底清澈透亮，入口滑順。湯中的竹苼螺片和烏雞肉質鮮嫩，口感豐富。這碗湯讓人暖心，也省了不少煲湯的時間。接著是小食部分，我選擇了滷水雞翼和沙薑豬手。滷水雞翼外皮鮮亮，入口鮮嫩多汁，滷水的味道完美滲入肉中，鮮美可口。沙薑豬手則是口感軟嫩，沙薑的香氣和豬手的鮮味相得益彰，令人回味無窮。除了2人家庭燉湯套餐，我還點了他們的招牌菜源味惹味手撕雞飯，$68。份量十分豐碩！手撕雞肉鮮嫩多汁，搭配特製醬汁和清爽的青瓜，口感清新宜人。這道菜的特點是皮爽嫩滑，每一口都能感受到源味獨特的風味，且不會感到油膩。滷水豬脾飯$48。這道菜的豬脾經過滷水處理後，質地鮮嫩，搭配白飯一同食用，味道十分美味滷得出色！醬料的創意也是這家餐廳的亮點，微辣滷水汁、沙薑粒粒醬和源味特鮮醬，都為這些食材增添了獨特的風味。放工唔使自己煲，就有一碗老火湯，真係正！#源味

放假去了屯門行商場，之後去了朋友屋企時，經過一間燉湯店，有幾款烏雞湯及素湯，另外還有幾款小食及飯，亦有套餐供應，買了湯及小食上朋友屋企開餐。源味竹笙螺片燉烏雞湯可以選擇熱湯或凍湯，燉湯密封，外賣不怕倒瀉，有紅蘿蔔、竹笙、螺片及烏雞湯料，燉湯清甜。沙薑雞翼分醬上，沙薑濃香，雞翼大隻而且嫩滑，送飯一流。滷水豬手新鮮整好，原隻豬手份量十足，而且切成一件件，豬手皮彈性十足，滷得入味，肉質略有咬口，不會太腍。

依家多左好多燉湯店方便無飯家庭🍲真係好岩放工又想飲啖湯但又懶得煲既人，燉湯每日新鮮燉製，真空保存後再放入冰櫃冷藏，可以拎返屋企煲熱飲或者叫老闆娘煮返熱都得️！無味精無防腐劑，健康好方便又貼心！🥰店內除左賣燉湯，仲有超抵食飯盒，好有住家飯感覺！👍🏻粟米椰子燉烏雞湯（2人份量）$128　未飲都聞到椰子香氣，湯包十分足料，用左印度椰子、粟米、烏雞、蜜棗燉製而成，湯水清甜，滋潤健脾，全家老少可岩飲！烏雞燉得好淋好入味，沾上源味特鮮醬真係另一番滋味！😋淮山螺片紅棗燉烏雞湯（2人份量）$128　烏雞養陰補肝腎，淮山健脾補肺，響螺片有滋陰補腎，適合熬夜人士飲😴而家秋天最適合飲🍂🍁湯包材料非常豐富，好多烏雞、螺片、紅蘿蔔、圓肉👍🏻滷水雞翼5隻 $48雞翼入晒味，雞翼飽滿多肉大大隻，沾埋微微辣滷水汁超好味！食過必定讚不絕口😋📍源味燉湯 (屯門)屯門青翠徑7號金邦大廈地下高層6號舖

源味燉湯 (屯門)屯門青翠徑7號金邦大廈地下高層6號舖最近我發現了一家超級有特色的小店，他們的菜單上有一些讓人驚艷的料理。首先，我要推薦他們的招牌菜——源味微辣滷水糖心蛋。一顆顆溫婉的糖心蛋悄悄融化在微辣的滷水裡，每一口都帶給我一種激起青春回憶的感覺。嗯，就是這樣，讓人一口接一口地迷戀上。還有一道菜也是不容錯過的，就是源味微辣滷水豬脾。這一道菜真的很獨特！滷水的微辣味道與豬脾的鮮嫩結合在一起，營造出一種令人難以忘懷的味覺體驗。每一口咬下去，豬脾的滑嫩口感和微辣的誘人味道在口中綻放，真是讓人驚喜連連。如果你想喝一碗溫暖的湯，那麼源味粟米椰子燉烏雞湯是一個很好的選擇。這碗湯散發出椰子的香氣，裡面還加入了粟米和燉烏雞，每一口都帶給我一種恬靜與舒適的感覺。喝下去，溫暖的湯汁滋潤著喉嚨，真是讓人心情愉悅。

源味淮山螺片紅棗燉烏雞湯 2人份 $128味道非常鮮美的湯，可以降血脂，調理腸胃。 烏雞有養陰，補肝腎功效淮山可以健脾，補肺等響螺片有滋陰補腎，健脾開胃，補血養顏，清熱明目男女老少都好適合飲源味滷水雞翼5隻 $48肉同皮有好濃郁既滷水味，食起上嚟係爽嘅，完全唔覺得淋源味沙薑豬脾$128雖然講係沙薑豬髀，但係佢嘅煮法同燻蹄非常相似，皮厚煙靭彈牙！肉質爽脆！除咗配沙薑汁之外，仲有食燻蹄會有嘅蒜香酸辣汁！可以試到唔同嘅口味！

返完一日工晚飯又唔想煮，諗住買外賣返屋企，經過見到有燉湯包賣，想飲番啖靚湯，決定買湯包，白切沙薑雞，返屋企煲飯食，又健康又方便粟米椰子燉烏雞湯 $128（二人份量）老闆娘話每日新鮮燉製，然後放入雪櫃雪凍，烏雞燉得好淋好入味，湯底清甜足滿椰子香味，雞肉沾上特製醬汁一齊食，好味道雖然寫係二人份量，但份量一D都唔少，足夠三個人飲源味白切沙薑雞 $128（半隻）雞肉原汁原味，雞肉嫩滑，靈魂當然在沙薑醬，自家製粒粒沙薑醬絕非一般醬，提升雞肉味道層次更加回味無窮微辣滷水雞翼 $48（5隻）雞中翼好大隻，而且滷得好入味，獨創微辣滷水汁，味道一絕

收工路過屯門一間小店😄入面有燉湯、滷水飯、小食等等，感覺似住家飯😁湯品款式有好多，主要係雞肉燉湯同埋素燉湯。有陣時懶得煮飯就可以過嚟買，可以飲到靚湯，10分足料。佢哋係有套餐，燉湯加2份小食只係$198，兩個人食會勁飽。靚湯仲可以係附近鐵路站交收，好方便源味竹笙螺片燉烏雞湯，因為太鍾意食竹笙，見到呢個湯已經俾佢吸引住。湯品係用真空技術保存，可以拎返屋企煮返熱，又或者小店幫你煮返熱都得☺️實在太方便啦！好鍾意佢哋有個辣汁用嚟點烏雞食，用嚟送飯都正！小食方面，我食咗沙薑雞翼😃啲雞翼好大隻啖啖肉，另外仲叫咗一個滷水豬手，雖然話就話5件，但係件件都好大件好多肉，唔會擔心唔夠食。講到最抵就係佢哋啲外賣飯，叫咗個豬脾飯啖啖肉，飯嘅份量好多，女仔兩個人應該都夠食！感覺唔會太鹹，太重味精，可以再食😎