影片
更多
2013-12-23
590 浏览
8-12-2013 (Sun)朝同男友起身,o系屋企整啲至出街,整好后都原来都差唔多12点至出去,而爸爸又o岩o岩返o黎,佢话佢唔买𩠌,OK,我同男友买啦.我o地先落荃湾买啲o野,同食o野,行到o黎大同,我只系想望望,见到$21.00,一包有五个o既鸡蛋糕,我就谂起可以买俾爸爸食;男友就见到有唔同馅(包括豆沙)o既老婆饼,又话要买.=.=”于是佢买两件老婆饼,一件系传统冬瓜,另一件唔知佢系乜,加埋$33.50.买完我就先影返个舖面,为食o既男友就先食佢两件老婆饼各一半,食完到我食.我先食半件,原来系芝麻味o既老婆饼,暖暖的,原因系佢个柜一路都开住暖灯,呢个好香芝麻味,唔太甜o岩o岩好.之后食冬瓜蓉o既老婆饼,冬瓜蓉口感软绵绵,饼皮系脆口,但食完后,觉得佢o既冬瓜蓉过甜,而且,呢重唔系传统老婆饼,传统老婆饼o既皮系猪油皮,唔会脆,都系恒香o既好.而鸡蛋糕呢?我o地之后去完一轮街,返到屋企,我见有啲饿饿地,就打开食一个先 打开包装,嗅到好香牛油味,鸡蛋糕颜色亦焗到o岩o岩好,掰开睇,里面唔油o既.食落,牛油味OK,但口感都系一贯o既实实地,咁样会几饱肚,唔通广东传统o既嫁女鸡蛋糕系咁o既
我o地先落荃湾买啲o野,同食o野,行到o黎大同,
我只系想望望,见到$21.00,一包有五个o既鸡蛋糕,我就谂起可以买俾爸爸食;男友就见到有唔同馅(包括豆沙)o既老婆饼,又话要买.=.=”于是佢买两件老婆饼,一件系传统冬瓜,另一件唔知佢系乜,加埋$33.50.
买完我就先影返个舖面,为食o既男友就先食佢两件老婆饼各一半,食完到我食.我先食半件,原来系芝麻味o既老婆饼,
暖暖的,原因系佢个柜一路都开住暖灯,呢个好香芝麻味,唔太甜o岩o岩好.之后食冬瓜蓉o既老婆饼,
冬瓜蓉口感软绵绵,饼皮系脆口,但食完后,觉得佢o既冬瓜蓉过甜,而且,呢重唔系传统老婆饼,传统老婆饼o既皮系猪油皮,唔会脆,都系恒香o既好.而鸡蛋糕呢?
我o地之后去完一轮街,返到屋企,我见有啲饿饿地,就打开食一个先 打开包装,
嗅到好香牛油味,鸡蛋糕颜色亦焗到o岩o岩好,掰开睇,
里面唔油o既.食落,牛油味OK,但口感都系一贯o既实实地,咁样会几饱肚,唔通广东传统o既嫁女鸡蛋糕系咁o既口感,寓意女儿嫁得好同食得饱?
张贴
