勝利牛丸 @Freshlane (城市中心) (已結業)

胜利牛丸 @Freshlane (城市中心) (北角)北角电气道233号城市中心1楼47A及59号舖Freshlane想食胜利牛丸就唔一定要去到元朗㗎，而家Freshlane都帮到你，咁喺讲到想食100%手打牛丸都冇难度。包装好好㗎，汤同粉分隔都做得唔错，返到屋企食嘅时候都仲系保持到热嘅水准。清汤牛腩粉三粒招牌手打牛丸，仲有自家制辣椒油。100%牛肉制嘅牛丸，消费者委员会都证实佢自家手打，真材实料，强。牛腩好有咬口，腩汁非常入味。牛丸Q弹，好似乒乓波咁，细细粒，好实净。河粉细滑，食到雪雪声，辣酱超惹味，算系中辣，香气扑鼻，食落醒神，刺激五感，打开晒啲毛孔，好食到停唔到口呀，成个辣汤都饮晒。