方榮記沙嗲牛肉專家

营业中

休息中

呢排成日听到佢个名，真系以为沙嗲牛好出名，点知真系伏到一个点，我真系好想知佢呢60年系点样过，真系dear Jane 「究竟发生了什么事？」，寻日见天气冻冻地特登去试吓，一坐低叫咗个汤底，之后攞咗个汤底同碟菜黎，我仲以为咁抵有菜送，谁不知买单𠮶时我先知原来系我阿娇上身天真咗，同埋个碟豉油要收$15/位冇蒜蓉都起码都比只辣椒落去丫大佬，不过好彩埋单先知，如果唔系早咗15分钟开始燥，个个所谓好出名嘅沙嗲汤底，真系咸到食完要去医院洗肾，叫咗碟手切牛，完全同住宝个的$50/磅肥牛一样，碎到好似的茶餐厅沙嗲牛面咁，好彩退咗，牛丸同墨鱼丸未解冻就上枱，仲硬过我条命，同佳宝货一样，牛舌系用嚟装饰，完全咬唔到同埋利苔都仲系度，都系佳宝急冻货，牛展都系急冻货，一阵雪味，师傅刀工都唔差，手切可以切到块块都一样厚，鲜鱿鱼又系急冻嘅，响铃先最紧要，见佢餐单上面有粒⭐️，原来都系叫货个的，鲩鱼扮脆肉鲩，一夹起就散晒，严重怀疑系咪俾佳宝收购咗，或者系佢度入货。大家记住千祈唔好以为手切牛就系鲜牛肉，急冻牛肉手切都可以，师傅神一般既刀工可以切到块块一样。真心系稻香任食一定好过佢。