影片
更多
2023-12-14
60 浏览
去完旅行返黎，大部份都系烧肉同炸物，有D挂住中国菜，又想饮D汤水，行下行下就推门入去。经过卤水部玻璃窗，见到卤水鹅已经流紧口水好彩仲有张细枱，潮式三小碟已经摆好个阵。最快上枱嘅系韮菜猪红 ($70)，份量相当大碗。猪红夹得起同有滑嫩口感，加埋注韮菜一齐食就仲惹味。欢喜呢度嘅是日炖汤，不定期转款，每盅都热度十足。今晚分别有虫草花雪耳炖鸡汤 ($68)，比埋汤料你睇/食，虫草花可增强免疫力，岩晒呢D流感高峰期。呢一款系姬松茸炖鸡汤 ($68)，味道清甜唔油腻，D鸡骨都炖到软晒，够晒火喉，饮完除咗半饱外，感觉舒服。食潮州嘢点少得卤水鹅，有人钟意啖啖肉会食鹅片，我地就钟意有D骨仲香D，所以卤水鹅件 ($148)就上咗枱啦。 百几蚊有咁嘅份量相当抵食，底下用大荳芽代替卤水豆腐，加少少炆花生。有下装位，件件都相对黎讲系多肉食嘅。卤得相当入味，肉质有嚼口，点少少醋汁食，几好送饭。系呢间开饭，除咗有打冷嘢食，仲有D港式小炒，就好似呢碟脆盏咕噜肉 ($108)，卖相都靓仔。话明咕噜肉就梗系啖啖肉啦，咬落个炸粉浆唔厚，轻易食到旧肉; 个酸甜酱汁酸甜度岩岩好，开胃之余又系好送饭。今餐食得相当满足，埋单走人
经过卤水部玻璃窗，见到卤水鹅已经流紧口水
好彩仲有张细枱，潮式三小碟已经摆好个阵。
最快上枱嘅系韮菜猪红 ($70)，份量相当大碗。猪红夹得起同有滑嫩口感，加埋注韮菜一齐食就仲惹味。
欢喜呢度嘅是日炖汤，不定期转款，每盅都热度十足。
今晚分别有虫草花雪耳炖鸡汤 ($68)，比埋汤料你睇/食，虫草花可增强免疫力，岩晒呢D流感高峰期。
呢一款系姬松茸炖鸡汤 ($68)，味道清甜唔油腻，D鸡骨都炖到软晒，够晒火喉，饮完除咗半饱外，感觉舒服。
食潮州嘢点少得卤水鹅，有人钟意啖啖肉会食鹅片，我地就钟意有D骨仲香D，所以卤水鹅件 ($148)就上咗枱啦。 百几蚊有咁嘅份量相当抵食，底下用大荳芽代替卤水豆腐，加少少炆花生。
有下装位，件件都相对黎讲系多肉食嘅。卤得相当入味，肉质有嚼口，点少少醋汁食，几好送饭。
系呢间开饭，除咗有打冷嘢食，仲有D港式小炒，就好似呢碟脆盏咕噜肉 ($108)，卖相都靓仔。
话明咕噜肉就梗系啖啖肉啦，咬落个炸粉浆唔厚，轻易食到旧肉; 个酸甜酱汁酸甜度岩岩好，开胃之余又系好送饭。
今餐食得相当满足，埋单走人出外行一行先得。
张贴
