星巴克咖啡

营业中

休息中

D人好钟意去D有海景嘅餐厅食饭，价钱都一定好贵吓，好多时贵就贵在个靓景！趁星期六天气刚转热，但都仲系廿几度，有D阳光，有D海风，仲有海景，好hea咁同太太晌中环天星间Starbucks，买咗个蒜香鸡肉意大利软包加热朱古力俾佢，我就要瑞士芝士火腿意大利烘包加焦糖咖啡，再上一层开扬D嘅海景位，叹一叹！间Starbucks门口都有枱有凳，但上一层有个平台位仲好D，对住维港，睇住一架又一架天星埋岸离岸，又望吓上船落船来来往往匆匆忙忙嘅人，心情好似去咗旅行咁，轻松闲逸，系度食嘢真系几爽！两个包叫侍应烘番热，D芝士半溶咁好正，蒜香鸡肉意大利软包个包好香蒜蓉味，鸡肉就一般啦；而个瑞士芝士火腿意大利烘包，薄蒋嘅巴马火腿咸咸香香，亦唔错！加上我杯焦糖咖啡，再落少少玉桂粉，味道几多样化！唯一最唔好系有D无帮衬嘅人霸住咗D枱凳，仲要坐一张凳，摆嘢又放落另一张凳，两个人已霸晒成张枱，见住其他拎食物嘅人都唔谂住让一让，无品！