不toast不快 (已結業)

放假到葵涌广场shopping, 手挽一堆战利品谂住返归之际，见到三䄛Top世界有间韩式吐司小店，“不toast不快，像极了爱情”。令我谂起疫情之前去首尔旅行，好多个朝早都要去附近连锁吐司店买番个toast先开始一日嘅行程。果种怀念嘅感觉，真系像极了爱情。小店招牌好醒目，而且吐司种类非常之多，每一款卖相都好吸引。既然未试过，梗系从最基本嘅口味开始啦。流心芝蛋拉丝吐司（$34）馅料有芝士、炒滑蛋同椰菜丝，上面仲有大量蛋黄酱同茄汁，份量多到撑开左整个吐司，攞上手已经有幸福嘅感觉。炒蛋系超级滑，热溶嘅芝士同炒蛋混和，一啖咬落去有长长嘅拉丝效果，真系好正。面包本身系搽左牛油再煎过，香气扑鼻，而且食落有松脆嘅沙沙声，成个吐司质素真系同韩国果间有名嘅吐司店有得挥。而且价钱非常之亲民，下次再黎一定会试埋其他口味。