旅鍋火鍋私房菜專門店 (已結業)

尖沙咀 旅锅火锅私房菜专门店，食店坐位阔落，皮革坐椅坐得好舒适，墙壁一边富欧美壁画，一边日式风情，真系好想即刻去下旅行🤗🤗。食店仲有两间厢房，约埋一班朋友卜坐厢房，自成一角，又有私隐度。先黎一支可口可乐，火锅必备饮料😆。Order左鸳鸯汤底，朋友无辣不欢，麻辣火锅走唔甩，汤底浓杰惹味，一上枱滚起，阵阵麻香飘起，真系就开始流口水😂；而我就钟意皮蛋芫荽马蹄汤，皮蛋黄非常流心黏滑，马蹄清甜，感觉非常下火🤗。🥢手切牛颈脊，去边食火锅都系必点，牛肉味浓，又有咬口，油花部分，越𡁻越香。🥢白鳝片，放入汤底渌几下，立时卷曲，入口爽夹弹，非常鲜美。🥢蜂巢豆腐，吸汁杀手，呢个一定要放麻辣吸汁，入口晒爆汁。🥢黑松露墨鱼丸，外型精致，成个冬甩咁😆，入口松露味先声夺人，口感爽弹，正👍🏻。🥢手打虾籽鲜虾滑，鲜虾滑躺在大大支木棒上，面层铺满虾籽，入口满满鲜香。🥢手工炸鱼皮，呢个都系火锅必点，系热汤上面渌几下，入口保持脆身，但又吸倒汤汁，非常惹味。