楓霖餐廳

营业中

休息中

忙东忙西，好耐无行过山，所以，趁星期六揾埋洪哥快闪一段由大水坑上藤皇，再行返落西贡市中心。上山前，先到茶记食个早餐壮壮声威，出咗大水坑站晌大水坑村有好几家茶记，揾咗最就脚嘅「枫霖」。村屋环境，有室内，有室外，不过，好多街坊、工友帮衬，里面坐满人，焗坐出面，其实出面舒服嘅，尤其是天气凉凉哋，不过，就要吸「二手烟」。谂住快快食个早餐，都费事等里面。本来啲枱都好窄，枱上放埋餐具、调味就感觉更加窄。餐牌底面4页，就包含晒餐厅所以菜式、乜餐物餐。早餐方面，价钱同出面其他茶记都喺咁上下。鲜牛肉面加双烚蛋 $42洪哥一向讲健康，拣咗无乜汁酱嘅鲜牛面，佢话啲牛肉都几鲜嫩，再加两只烚蛋，真喺够健康营养。沙嗲牛肉面、餐肉烟肉牛油方包 $42小弟就无咁健康，拣番最心水嘅沙嗲牛面，再配埋邪恶嘅餐肉、烟肉，喺无老婆晌身边先敢叫。个沙嗲汁推得唔错，够香，无话超好食，但已收货，而牛肉都几嫩滑；餐肉、烟肉夹埋落牛油方包一口咬落去，够过瘾。热奶茶、热咖啡（斋啡）惯性，点都要试杯热奶茶，色泽有点淡，入口味道算OK，个人而言，就觉得未够醇厚，感觉差少少似的。真喺好似食快餐，旋风式食完，走人，出起步上山。