韓牛牧場 (已結業)

又系登龙街🤣 呢条食街真心好多港日韩台嘅嘢食，今次嚟食韩烧🇰🇷 平时韩烧成日觉得啲热力唔够匀巡，今次见到呢间好得意个炉识自己转👻价钱都唔贵🤑一于同朋友试吓🤤呢到最平嘅济洲黑毛猪韩烧肉定量午市餐 (二人份)都系$188，除返开一个人真系唔洗$100，仲包埋出面自助吧嘢饮同十几款前菜任食，不过朋友系牛魔王就拣咗1++韩牛韩烧定量午市餐（二人份）($238)，但其实都系$120位，包埋前菜任饮任食其实好抵玩😝前菜除咗有韩式泡菜、沙律同唔同酱汁，仲有好多凉拌小碟，最惊喜嘅系竟然有麻辣牛舌😍 牛舌好软淋，加埋佢啲调味料真心好惹味，唔够饱嘅话真系可以系到食到饱🤭讲返主菜，二人餐其实包咗1++韩牛牛肋骨肉同韩酱1++韩牛肩胛，两款牛味浓郁，油脂丰富，烧完逼晒啲油出嚟好正🥰同埋最正系个炉因为佢识转所以啲热力好均匀，同埋大家都可以一齐烧🥸 套餐仲包埋西班牙黑豚五花腩、韩式鸡腿肉同埋虎虾拼半壳青口，其他就不过不失，但鸡髀肉烧到啱啱好金黄边劲开心😚我哋仲额外加咗个火炙1++韩牛丼 ($138)🍚 韩牛捞蛋汁世一💯啲蛋汁捞埋饭真心好满足💛 而且都有几多片韩牛，不过谂谂下好似自己烧会开心啲，大家可以自己衡量下🤪