米炊 (K11購物藝術館) (已搬遷) 新店位置

隐身于K11一角嘅米炊外表似一般日式家庭餐厅，本身无好大期望，点知又俾到惊喜🤩。
-
6oz炭烤浅熟成和牛肉眼🥩咖哩饭配清酒🍶一小杯（$168）
声称选用日本兰王蛋🥚制作旋风炒蛋、配上北海道特A级七星梦美人米🍚，一睇粒米，细细圆圆，好似粒珍珠🐚，就知道绝非池中物。依种米带微甜，软糯可口，煮起来很考功夫，净系个饭都俾咗高分。个蛋炒得厚实有层次，掌握到中心滑外皮有口感，抵赞✅。到个咖哩汁，食得出蔬果如甘荀🥕、洋葱🧅、番茄🍅等清新甜味，唔会好假，最正系佢够辛辣，唔似一般日本咖哩呃细路。-至于个牛肉属medium rare嘅感觉，牛味淡，但肉质嫩，亦有啲筋位，满足。

最后饮淡清酒，以为半买半送都系行货，点知佢米香突出，清爽轻甜，又几夹浓味食物。

岩盐烧日本油甘鱼鲛🐟配16谷米（$158）个鱼即叫即烧，上碟仲系热辣辣😁，皮脆肉嫩，估唔到咁多肉食，无雪味，调味恰到好处，真系好下饭的菜式。唯一要挑剔系限时一个钟😟，不过如果出面无人排队，又唔会好主动赶你走，算系咁啦！