煌苑

营业中

休息中

今晚唔煮饭，出去石门食，选咗呢间，点知伏伏伏。去到攞枱，叫我哋去另外一边，咁照去啦，系一个细厅，ok嘅，不过地毯都无嘅。疫情下无地毯可以仲好。但系啲枱就偏密。讲返食物，我哋见佢哋好似推片皮鸭，就叫咗只，另外仲有炒芥兰，姜葱蚝，上汤虎虾伊面底。蚝俾炸粉包到死实实，好厚，扮大只。蒜蓉炒芥兰无乜味，我当佢无落味精。重点嚟，虎虾唔大，计埋头，约一只手掌左右，无乜味，上汤？唔系啰！虾痴壳，仲唔爽唔弹，最惨系无挑虾肠，黑色一条段开一段段都唔知点好。啲伊面一样无乜味要叫攞辣椒油。再讲埋个片鸭，一只鸭片出嚟份量咁少，但又鬼咁大块一件。一啲就大嚿肉，好似烧鸭斩件咁，一啲就得块皮连住啲肥膏。跟两笼皮，但又无盖，系咁吹冷气。鸭片有虾片伴碟，但系奀嘅，唔知炸起咗几耐。有啲位油淋淋，淋嘅。好，讲服务，唔系话佢唔好，但系唔得啰。无水睇唔到，要叫。水唔够热。可能唔系主厅，攞碟辣椒油要好耐。埋单要好耐。有时叫侍应，佢应一应你，但又去咗第二枱。佢个厅本身好多落地镜，但系就用啲白色胶贴贴咗一大半，相信系以防撞爆，搞到好核突。三个人食五六百蚊，唔系贵，但唔合格啰！