碗屋 (已結業)

十几年前已经认识碗屋，一试难忘，佢一直都系只此一家，10月份惠顾有八折优惠，所以今日同老婆嚟庆祝生日🎂😋。.订位时话庆祝生日，厨师就会准备一个迷你寿司蛋糕。我哋叫咗个鱼生拼盘，件件鱼生都好鲜味，仲要系厚切，数量亦非常足够。另外要推介嘅系烧鹅肝。鹅肝有成1cm厚，香味扑鼻，外脆内软，入口即溶，油甘丰富，超正靓鹅肝。酿蟹盖（甲罗烧）亦系必定要食。日本松叶蟹膏酿蟹盖，蟹膏上面加咗些少鲜甜蟹肉，味道浓郁，滋味非常！ 串烧鱿鱼筒除咗个样趣致之外，亦十分鲜甜，加上秘制烧汁，令人要再三order来回味。老婆钟意食烧羊架，当然要点啦！羊架带有淡淡羊膻香味，肉质松软嫩滑，入口即溶，味道极之好。炸生蚝、烧鸡软骨、烧大虾🍤样样都香味扑鼻，要臭一阵先舍得食😆。日式烧金芋又系喜出望外，原来烧番薯时在上面洒少少盐，可以提升番薯甜味及香味。其他推介有海胆手卷、拖罗手卷、烧鲜带子、日式蒸蛋、豆腐雪糕、绿茶雪糕。最开心系放题由6:00开始，无限时，我哋两口子食到10:00，可以慢慢品尝每一口食物。