Noodies (已結業)

今日黎试下呢间NO MSG既面店一早决定好试冬荫公同喇沙汤底，两个都好好味！汤底都系偏重奶味，但不失各自风味配料要左: 墨丸，扎肉，手撕鸡，猪颈肉，八爪鱼饼墨丸有惊喜！食落唔系平时食到个d咁，系比较实净同弹牙扎肉都几好，但系重胡椒个款。手撕鸡好食！份量多，又唔鞋，仲有淡淡既香味猪颈肉相比之下就无咩特别，但都系冧既！八爪鱼饼就够足料，八爪鱼多到爆咗出嚟极度推介春卷！好味到晕低一黎到已经好香，有阵牛油味，食落好脆又足料！仲要好大条！饱都要食两条不过要预返等要等十几分钟先有野食(人多可能仲耐)，而且安排有d混乱，坐落有好几次搞错单同无落单。但态度系好既，不过可以改善下，例如加返座位号码落单𠮶时顾客自己写埋，会无咁混乱。