新九記粥麵

营业中

休息中

粥有粥味，🐟有🐟味，粥底够足料，啖啖口感绵滑，落米够，粒粒分明爆开，食得出系生米煮成熟粥。无落味精的调味，味道方面仍然显得足够，习惯食得清淡的不用再点豉油就足够享受食材与粥底融合的化学作用。我最喜欢鱼腩的爽脆加粥底的绵滑，如果可以再切厚一点口感更满足。另外推荐猪膶+粥底的配搭，猪膶够大块，好似食猪扒一样今次唯一不足是猪膶煲得耐咗少少，没有了上次来食猪膶粥时的鲜嫩口感与味道，始终时间控制都好紧要，下次再嚟食时一定要问吓专业人士大厨，猪膶应该要煲几耐先可以好似佢咁煮得咁鲜咁嫩？另外仲有猪肉丸都值得一赞，不是平时急冻的猪肉丸，而是新鲜猪肉打造的，Size啱啱好，唔系太大粒，但又有咬口，食完仲有回甘味，不过挂住食，无好好研究落咗咩料同D猪肉度一齐搅，先有咁的回甘味。另外，我地仲嗌咗个南乳猪手嚟补充骨胶原，唔食尤自可，一食不得了！哗！又系另一推荐小菜，猪手够”林”无肥膏，有少少黏牙为上乘，咬两口就轻易皮骨分离，味道刚刚好不会太咸但又够入味赞赞赞服务方面，我地一边食，店员时不时仲会走埋嚟系咁帮我地加粥和汤，成煲粥真材实料，成晚Keep住够米气，真系食到好饱整体来说很不错，值得回头再吃及推荐的食店。