影片
更多
2021-03-15
508 浏览
只写重点，食评如下：1. 人手不足：由点菜到上菜，每一道菜需时约20分钟，合共五道菜，全部是简单菜式，分别是：(i) 烧鳗鱼两片 (每片约2cm x 3cm x 0.5cm)(ii) 烧多春鱼4条 (每条约5cm x 1cm)(iii) 炸豆腐4块 (每块约3cm x 3cm x 3cm)(iv) 加州卷6块 (正常一般日本餐厅加州卷的大小) ; 及(v) 叉烧拉面一碗。2. 难食：(i) 鳗鱼鞋身、烧得太干；(ii)多春鱼唔够春，好少春，都唔知系乜春鱼；(iii) 炸豆腐的心仍是冷，真系「看透了冷眼，心早已没法说感叹⋯⋯」；(iv) 加州卷，只要用筷子一夹，蟹子四散得太快，很多蟹子跌落碟上，可惜；(v) 叉烧拉面：叉烧太咸、肉质太靭、汤底味精水、拉面系超市有售，最平价个种质素嘅拉面，系屋企自队一碗「出X一丁」会比起食呢碗叉烧拉面好食好多。读者可能会觉得奇怪，点解要写埋其中三道菜嘅size 呢？因为呢间餐厅提供嘅食物，好细份，食唔饱。老细，你可以收贵啲，每道菜整大份啲架嘛！不过，你个厨师煮嘢咁难食，如果佢唔改善下啲厨艺，食物再大份都只会仍然系咁难食。无味蕾的人，即管可以试下帮衬呢间日本
1. 人手不足：
由点菜到上菜，每一道菜需时约20分钟，合共五道菜，全部是简单菜式，分别是：
(i) 烧鳗鱼两片 (每片约2cm x 3cm x 0.5cm)
(ii) 烧多春鱼4条 (每条约5cm x 1cm)
(iii) 炸豆腐4块 (每块约3cm x 3cm x 3cm)
(iv) 加州卷6块 (正常一般日本餐厅加州卷的大小) ; 及
(v) 叉烧拉面一碗。
2. 难食：
(i) 鳗鱼鞋身、烧得太干；
(ii)多春鱼唔够春，好少春，都唔知系乜春鱼；
(iii) 炸豆腐的心仍是冷，真系「看透了冷眼，心早已没法说感叹⋯⋯」；
(iv) 加州卷，只要用筷子一夹，蟹子四散得太快，很多蟹子跌落碟上，可惜；
(v) 叉烧拉面：叉烧太咸、肉质太靭、汤底味精水、拉面系超市有售，最平价个种质素嘅拉面，系屋企自队一碗「出X一丁」会比起食呢碗叉烧拉面好食好多。
读者可能会觉得奇怪，点解要写埋其中三道菜嘅size 呢？因为呢间餐厅提供嘅食物，好细份，食唔饱。
老细，你可以收贵啲，每道菜整大份啲架嘛！不过，你个厨师煮嘢咁难食，如果佢唔改善下啲厨艺，食物再大份都只会仍然系咁难食。
无味蕾的人，即管可以试下帮衬呢间日本餐厅，但即使无味蕾，仍需要等好耐，等到十分肚饿个一刻，店中唯一嘅侍应兼收银及接外卖订单嘅男人，便会慢慢将食物送到上枱。
顺带一提，由客人进入呢间餐厅个一刻，便会听到餐厅播放十分难听嘅日本歌。老细，不如你熄咗啲音乐佢，比人安静地食一餐晚饭啦！
推介菜式：
1. 味精拉面
2. 心仍是冷炸豆腐
3. 甩皮甩骨加州卷
4. 世界真细小烧鳗鱼
5. 乜春鱼 ... ...
结论：贴钱买难受！
后续：只食到半饱，要揸车去第二间餐厅食多一餐晚饭。老细，你唔识点做日本餐厅，就不如唔好做啦！
张贴