影片
更多
2014-02-28
372 浏览
吉野家系我有机会撞啱下午茶时间去到，就会去嘅餐厅。原因有三个 - 平靓正。当然我系以下午茶时间而论，宜家除咗外卖烧味饭，或者大学canteen，仲有边度可以用廿蚊以内食到饱仲有野饮味道又好嘅饭？今日终于食到比下午茶更平嘅早餐！叫咗个海苔芝士鸡饭餐，加$2要冻奶茶。埋单$18。如果嫌贵，可以叫海苔粟米鸡或者牛饭餐等等，唔要冻饮，清清地要坏热茶，只系要$15大圆。好似好hard sell咁，但只系我觉得以咁嘅品质，价钱真系几有良心。鸡有三嚿，脆口唔肥腻，饭粒粒分明，酱汁虽然少，但可以要求额外牛汁，哈哈，好多时叫鸡饭都要加牛汁，正！另外我都欣赏员工嘅效率同服务态度，唔驶半分钟个餐已经拎得，比起M记某啲𡃁仔黑口黑面同慢指慢脚好得多。好话讲到依度，要改善嘅地方亦唔少，例如今日叫嘅冻奶茶甜到会糖尿咁，就算我劲钟意甜食，饮咗三分一都顶唔顺。其他就系有一啲分店清洁做得几马虎，清走个盆，但就唔抹枱，你知有啲食客系几嗱咋啦。（注，今次依间ok干净，多谢各位店员。）因为好怕等位所以好少食佢嘅火锅，晚市实在太多人，希望之后有机会食下，对上一次都两三年前^_^。提提大家，葵芳依间除咗晚市多人时，其他时间冷气真系
今日终于食到比下午茶更平嘅早餐！叫咗个海苔芝士鸡饭餐，加$2要冻奶茶。埋单$18。如果嫌贵，可以叫海苔粟米鸡或者牛饭餐等等，唔要冻饮，清清地要坏热茶，只系要$15大圆。好似好hard sell咁，但只系我觉得以咁嘅品质，价钱真系几有良心。鸡有三嚿，脆口唔肥腻，饭粒粒分明，酱汁虽然少，但可以要求额外牛汁，哈哈，好多时叫鸡饭都要加牛汁，正！另外我都欣赏员工嘅效率同服务态度，唔驶半分钟个餐已经拎得，比起M记某啲𡃁仔黑口黑面同慢指慢脚好得多。
好话讲到依度，要改善嘅地方亦唔少，例如今日叫嘅冻奶茶甜到会糖尿咁，就算我劲钟意甜食，饮咗三分一都顶唔顺。其他就系有一啲分店清洁做得几马虎，清走个盆，但就唔抹枱，你知有啲食客系几嗱咋啦。（注，今次依间ok干净，多谢各位店员。）
因为好怕等位所以好少食佢嘅火锅，晚市实在太多人，希望之后有机会食下，对上一次都两三年前^_^。提提大家，葵芳依间除咗晚市多人时，其他时间冷气真系冻到飞起。
张贴
