麻辣妹 (已結業)

今日突然想食辣，本身谂住食川婆婆算，但见到呢间麻辣妹喺旺角都有两间分店，应该都唔错挂？-麻辣妹铺面都几大，仲有楼上，睇黎平时都几多人食。汤底有微／小／中／大辣之分，同可以拣麻辣／酸辣，之后就拣𩠌，𩠌主要都系啲大路野，无乜特别。-重庆小锅（配肥牛＋鱼皮饺） $42第一次食唔敢乱试啲辣度，所以叫左小辣，但原来小辣好鸡😂，大约系谭仔五小左右，食得辣既可以叫大辣。对汤底有少少失望，因为佢既麻辣无乜层次，似鸡粉汤底再加辣粉煮咁，辣系有辣到既，不过纯粹系辣下嘴唇，有啲到喉唔到肺既感觉。-薯仔粉第一次食，似乌冬咁烟烟韧韧都几好咬口，不过无红薯粉咁吸汁。肥牛都几多算足料，不过鱼皮饺$8得两粒仲要唔系四海个只，有啲唔开心。可能麻辣妹既小食会好食过麻辣烫？可惜得自己一个试唔到。-整体黎讲$42喺旺角有个两𩠌面食都算系咁，不过下次我会食返川婆婆。