大丼屋 (已結業)

今日表妹甩难了，因为佢终于考完DSE，佢之前闭关左几个月，我都好耐冇见佢了，今日终于考晒，可以松一口气了佢话之前怕考试会肚痛，一直唔敢食生冷野，今日点名话要食鱼生㖞，我醒起之前系杂志见到荃湾有间大丼屋，一于黎试下。呢度系近荃新天地果边，系百悦坊一上电梯就到了，我地六点半左右黎到，未系好多人，店员客气有礼，服务算不错Menu上选择唔算好多，但有齐鱼生丼、熟食丼同埋咖哩饭，小食样样都好吸引，搞到我同表妹都谂左好耐先落order呢度好有效率啊，落左order唔够10分钟就有得食，我表妹拣左个巨形富士山丼，系全场最豪啊，虽然冇menu张想叠得咁高，但都唔少野，有齐海胆、鱼子、蟹肉、吞拿鱼茸同埋两只大虾，净系食𩠌都饱了，分量真系唔野少，一个字，扺！而我拣咗个同样系招牌嘅烧牛肉丼，牛肉够厚身，啖啖肉，捞匀埋粒蛋黄，好好味，不过两个丼啲白饭都真系好多，我谂我同表妹share一个丼都已经够了我哋仲带咗两个小食，杂锦天妇罗同埋炸鱿鱼酥，炸鱿鱼须香口惹味，天妇罗用料新鲜，估唔到呢度啲炸物不错啊我表妹对呢餐饭十分满意，见到佢食得开心，我都好满足，两个人食咁多野再加枝波子汽水都系＄400 ,真系唔错架