影片
更多
2023-03-16
55 浏览
Blendin Restaurant & Lounge 📍铜锣湾糖街25-31号Sugar+19楼Sugar+ 开咗好多新嘅靓餐厅，重点系大部分都有同靓景！想去啲有景有格调嘅餐厅豪一豪又多个新landmark!💓我地拣咗间日法Fusion 餐厅庆祝，知道佢有个大露台，所以都早咗咗少少到，趁日落前可以出去影下相打卡！超大露台可以同时serve 好几台客，仲可以饱览180 度维港景色！相信系度食个Tea 打卡应该好靓之余亦会好chill！🎠室内装修都系走纯白简约设计，其中两个卡位用咗大量干花点缀，带点少女风，又系另一个影相位。特别之处系餐厅只提供两款Menu，分别系6 Course Tasting Menu $788 同 8 Course Luxury Menu $988。🔸原味及紫薯法包 配 黑芝麻黑炭海盐牛油牛油的确系几特嘅，非常幼滑又带微咸。🔸JAPAN SALMON ROE WITH FIG TOFU日本豆腐加上三文鱼籽同无花果，再配以黑醋做调味。呢个配搭几清新，无花果新鲜清甜，加上未有特别腌制过嘅三文鱼籽可以增加口感，而且黑醋又带点微酸。一个唔错嘅开胃小食。🔸HOKKAIDO S
📍铜锣湾糖街25-31号Sugar+19楼
Sugar+ 开咗好多新嘅靓餐厅，重点系大部分都有同靓景！想去啲有景有格调嘅餐厅豪一豪又多个新landmark!
💓我地拣咗间日法Fusion 餐厅庆祝，知道佢有个大露台，所以都早咗咗少少到，趁日落前可以出去影下相打卡！
超大露台可以同时serve 好几台客，仲可以饱览180 度维港景色！相信系度食个Tea 打卡应该好靓之余亦会好chill！
🎠室内装修都系走纯白简约设计，其中两个卡位用咗大量干花点缀，带点少女风，又系另一个影相位。
特别之处系餐厅只提供两款Menu，分别系6 Course Tasting Menu $788 同 8 Course Luxury Menu $988。
🔸原味及紫薯法包 配 黑芝麻黑炭海盐牛油
牛油的确系几特嘅，非常幼滑又带微咸。
🔸JAPAN SALMON ROE WITH FIG TOFU
日本豆腐加上三文鱼籽同无花果，再配以黑醋做调味。
呢个配搭几清新，无花果新鲜清甜，加上未有特别腌制过嘅三文鱼籽可以增加口感，而且黑醋又带点微酸。一个唔错嘅开胃小食。
🔸HOKKAIDO SCALLOP CARPACCIO
西餐常见嘅Starter.
日本北海道带子再加手磨山葵配柚子醋，山葵唔会太抢味，清幽淡雅。
🔸TRUFFLE MUSHROOM SOUP
黑松露蘑菇汤细滑，稀杰度适中，未有太浓烈黑松露或蘑菇味，淡口味人士会好钟意。
🔸JAPANESE HIROHIMA OYSTER SOUP
日本广岛鲜蚝汤，盘边有原只熟广岛蚝，汤属于偏流质但蚝味浓厚，第一次品尝呢种味道嘅汤。🔸JAPANESE STRIPLION WAGYU A4
日本A4 和牛，属于牛腰脊部位较前位置，脂肪比例适中。虽然烹调效果比较生，但口感富弹性得来又偏软腍，而且冇血水，根嘅位置唔多，肉味都算甜。
🔸CLARIFIED BUTTER SOUS VIDE LOBSTER TAILS
透过慢煮而成嘅龙虾，厚肉弹牙，再淋上龙虾汗更惹味！
🔸LANGOSTINOS CORDYCEPS MILITARIS LINGUINE
挪威海螯虾意粉用咗松露海盐做调味，肉质鲜甜扎实。Linguine 充满咗虾膏嘅味道！
🔸SEA URCHIN RISOTTO
海胆意大利饭为咗迎合亚洲人口味，煮得比一般意大利饭腍，饭底用咗海胆汁做调味，亦都加入咗啲本菇同三文鱼籽增强口感。我自己就比较喜欢烟靭感重嘅食物。
🔸CHEF SELECTION OF DESSERT
今晚嘅Dessert 系朱古力心太轻配云呢拿雪糕。
🍸饮品方面，我地另外加咗两杯Mocktail。 用咗花花做装饰，卖相几靓好适合打卡！
🍹Lavender&Rose 🌹
Strawberry, Cranberry Juice, Lemon Juice, Lavender Syrup, Rose Syrup, Soda Water
🍹Fairy 🧚♀️
English Breakfast Tea, Lemon Juice, peach syrup, lychee juice
张贴
