LAB10 (裝修中)

睇完Captain Marvel外面落大雨，唯有食个early dinner，嚟到呢间标榜无烟韩烧一试。同朋友两个人，坐位好迫下，叫多两样嘢都唔够位摆，其实又唔驶咁迫啫。所谓既无烟其实系佢喺个炉度有抽风口，唔会走到出嚟。前菜都系要order，盛惠$48烧物我地叫咗两款，一款牛舌，同一般差不多水准。另一款系鸡扒，不过个青柠酱其实唔系太夹。牛骨汤就比较清淡，唔系太多味道。反而个炒粉丝几好食，虽然个卖相就hea啲。比我地有惊喜既反而系呢味生牛肉雪梨牛油果，本身我有少少怕食生牛，但呢个夹埋牛油果同雪梨又出奇地好味㖞！呢度啲饮品都无得少冰，太冻了。呢度的确系无烟，唔会令到啲衫吸味。但系座位唔舒适，加上限时一个钟，未食已经觉得好仓促咁，食都唔食得安乐。而且嘢食无话特别好味，反而唔系咁抵食添，我谂我都系宁愿去返炑八了。