Prosit Bar and Restaurant

营业中

休息中

疫情严重下，香港好多食肆都受影响。今日呢一间餐厅，繁忙时间都系得我哋啲一张枱，虽然好似俾我哋包场咁，但长期咁样，餐厅应该好难挨吧。 我哋先来个前菜:肠仔芝士沙律。 虽然份量好大碟，但系个沙律酱实在太酸， 做唔到开胃嘅效果，芝士同肠仔都系一般货色，唔推介另一前菜系网友大热推介嘅他他汁炸蘑菇， 原本满心期待但非常失望，佢只系点炸粉炸蘑菇， 虽然唔系炸得干身，但无味，仲要过百元，唔值咁嘅价钱。主菜就梗系德国咸猪手啦~ 卖相唔吸引，猪皮太硬，唔脆，唔出色, 仲要唔平，唔推介。依度无水提供，每人一定要order一杯饮品，拣咗杯无酒精嘅fruit punch, 无特别。甜品系店员极力推介嘅苹果批，呢个真系有惊喜，系外面比较少食， 好香肉桂味，又脆又香，加埋雪糕好夹，系全餐饭嘅唯一亮点整体嚟讲，呢餐饭价钱贵，食物质素一般， 服务一般，无咩特别推荐。