三星台菜食堂 (新城市廣場一期) (已結業)

沙田开左三星，顶死左Triple O's，咁开张左就去一试。叫左佢地招牌三星面，再叫多个黑芝麻豆浆豆浆原来系支装，唔知边度出品，入口豆味淡，黑芝麻又无，最后只系好淡好淡的豆浆。三星面叫左幼面，起初以为幼面系等于台湾当地卖既牛肉面正常粗幼的面条，原来系比上海汤面幼的面条，入口几腍，但挂汤就一般。汤底好深色，但唔好畀佢呃到，其实入口无乜牛味，甚至连少许辣都无，只系一个浓汤。牛展肉几大件，食落都几腍，但肉味唔突出。牛筋煮得唔够耐，要花D时间去咬口佢。牛肚唔算爽，无乜咬口感。服务方面极为失望，在客人入座率不到七成时，便无故叫我将随身物品收起不准放在bar台旁的椅上，直至用餐完毕为止都未有人坐过果个位，只系畀侍应用果个位放外卖only。侍应上菜无带脑，无睇清楚单就无啦啦上多碗面畀我。