旺囍車仔麵 (已結業)

今日有D事，一个人出左旺角，见仲有40分钟先够钟，行过呢间舖，谂左一阵，见坐左3个人，应该好快就有得食，就入左去食，我就无分黄店定蓝店，最紧要好食，入到先知黄店，叫左河粉，辣汁爽脆鱿鱼，爽口鸭肾, 和味猪大肠，豆卜，加腩汁加葱。见个阿姐煮下，见到佢唔知渌乜，开头以为河粉，最尾见到深色野，今次真大镬，碗野上到黎一睇，见到有辣油，我估系鱿鱼既辣汁，无多葱，先饮淡汤，有味无特别，鱿鱼爽脆我钟意食个种但同个辣汁(定辣油?)分开同一个碗上，鱿鱼无辣味，猪肠唔入味但系叫淋唔系咬唔开，豆卜正常但唔系实肉个种，不过无所谓人地要交租我都明，鸭肾就黎料，其实应该系鸡肾,摆明呢d都系要用火鸡肾整，仲同另一个客讲唔系鸡肾系鸭肾，不过乜肾都无所谓，因为唔好食，佢切薄片再同我渌熟佢，就系我头先讲既唔知佢渌乜，无味，要o赵，唉，鸡肾系要炆架阿姐，分数真系30分比个豆卜同碗野够热，其他真系……，碗野57蚊如果样样都正常其实唔算贵，所以呢个就系点解无乜人食既原因