溯 (已結業)

绝对失望。。。一心谂住新开一间餐厅，见到食评都唔错，谂住试下。首先，讲一讲称赞部分，服务态度系几好，包系最好食。除咗个包之外，其他嘢根本就系好一般。。。环境方面:睇相都好似几好咁但系。。。。。入到去之后其实佢分咗地牢部分，地面系有装修，但系落到去地牢，完全压迫感好大，楼底好矮，一啲都冇高级感觉，反而好似一间普通Cafe咁。食物方面：面包绝对系最好食、其次就系海胆、最后就系甜品。除咗呢三样之外，其他嘢根本就系一般到唔好食，龙虾汤嚟到之后，我同我女朋友都笑咗，个龙虾size 大概正常人手指尾第一节咁，鱼就普通、猪就好难食。。好硬，摆盘好核突。第一次食一间餐厅会打负评，虽然你话价钱话贵唔贵，但系如果比呢个价钱可以有更加多好嘅选择。