影片
更多
2021-12-28
108 浏览
Book 左2021年12月24日夜晚7点半2位，大约的时序如下： 1. 7点25分已到达餐厅，当时前面有一对情侣仲喺度等紧，但系店员叫我哋继续等等冇安排入座。2. 大约10分钟后，店员仍然冇安排入座，呢个时候门外已经开始排长龙，目测约5,6组人，估计全部都系book咗呢个时间3. 约 7点45分，店员终于安排入座，入边唔系冇位，亦都唔系等紧客走俾枱，唔知点解要啲客喺门口等：）4. 拣嘢食lu，因为12月24日只做christmas set，Christmas set $510/ 1 person，包 每人1沙律, 1 汤 , 1 main 同1 甜品6. 沙律，系两块菜，上面1只虾，以下系图，我食咗上面只虾先记得影，大家自己评论。7. 汤我哋拣咗龙虾汤，好多一粒粒好似碎咗嘅壳，而且好咸，我饮咗半碗就冇饮。8. Main 选择有4款: 牛扒, 三文鱼扒, 鸡 同 1个veggie。本身拣牛扒，点知冇晒，最后拣咗三文鱼同鸡，过多10分钟到听到店员讲三文鱼都冇晒，𠮶阵先大概八点。会唔会太搞笑，做Christmas dinner，main入边四款有两款都可以冇。听到佢哋俾啲客叫a la c
1. 7点25分已到达餐厅，当时前面有一对情侣仲喺度等紧，但系店员叫我哋继续等等冇安排入座。
2. 大约10分钟后，店员仍然冇安排入座，呢个时候门外已经开始排长龙，目测约5,6组人，估计全部都系book咗呢个时间
3. 约 7点45分，店员终于安排入座，入边唔系冇位，亦都唔系等紧客走俾枱，唔知点解要啲客喺门口等：）
4. 拣嘢食lu，因为12月24日只做christmas set，Christmas set $510/ 1 person，包 每人1沙律, 1 汤 , 1 main 同1 甜品
6. 沙律，系两块菜，上面1只虾，以下系图，我食咗上面只虾先记得影，大家自己评论。
7. 汤我哋拣咗龙虾汤，好多一粒粒好似碎咗嘅壳，而且好咸，我饮咗半碗就冇饮。
8. Main 选择有4款: 牛扒, 三文鱼扒, 鸡 同 1个veggie。本身拣牛扒，点知冇晒，最后拣咗三文鱼同鸡，过多10分钟到听到店员讲三文鱼都冇晒，𠮶阵先大概八点。会唔会太搞笑，做Christmas dinner，main入边四款有两款都可以冇。听到佢哋俾啲客叫a la carte，真系好羡慕，因为其实无牛扒呢个餐一啲都唔抵食，讲紧埋单要1千几蚊😂😂
9. 沙律同汤都好快上，main系饮完汤之后仲等咗超过半个钟，催单三次先上，见到隔离枱有两个妹妹冇催单，我哋走嘅时候佢先食紧main😂😂 Main质素好普通，同茶餐厅差唔多质素，但价钱过千
10. Serve Main时，侍应唔小心整跌咗我个配菜，有一粒薯仔跌咗落枱面，佢竟然问我，帮我执返上碟？我最后叫佢唔使，跌咗就由佢
11. 感觉成间餐厅嘅侍应都无trained，例如啱啱serve main跌咗薯仔，理论上应该讲： 我入去帮你换翻，但佢第一下反应系帮我执返上去…
12. 嘢饮方面落单时叫咗，竟然同个汤一齐上，而且上嘅时候就咁好似茶餐厅咁放喺枱面…如图
13. 仲有好多奇怪野，例如第一次叫侍应上甜品，佢竟然问我系咪上两个… 乜你见到第三个人咩……
14. 总括嚟讲，嘢食唔系话好难食，但系如果要我比超过$1000嘅价钱食，咁嘅服务同埋咁嘅食物质素(i.e. 两块菜+1只虾嘅沙律, 四个main之中有两个都卖晒而且唔系特别好食,好咸嘅龙虾汤, 好难饮好淡嘅朱古力, 一件好普通嘅cream cake)，我完全接受唔到，但如果喺茶餐厅食，呢个质素我就接受到。
真系好嬲呀！！呢篇文都表达唔晒我𠮶日嘅感受😡😡
张贴
