誠拉麵 (已結業)

今日同表姐一齐去黄埔Aeon Style行街买野，行到夜晚8点，就费事出去揾其他餐厅食晚饭，所以决定去Food Court揾野食。Food Court 有各种不同类型的日本餐厅，天气冻冻地就决定食返碗热辣辣既拉面，暖下胃，眼见诚拉面未试过，而且又唔洗排长龙，就决定今晚食依间啦。 2个人一人一碗拉面，再加配烤饺子、盐烧鸡软骨小食。我就试左豚骨味噌汤底，紫菜偏淋，汤底有少少味噌味，拉面弹牙 ，但都几重碱水味，半熟蛋流心，叉烧偏肥普通，用左火枪轻一轻烧过，但焦香味不足。饺子我见到系急冻包装饺子，用煎炉煎底，但煎既时间太短，饺子底唔脆。最差系盐烧鸡软骨，烤到㶶晒，咬都咬唔开，真系唔明白，点解咁都可以上菜比人食，我怀疑店员系眼尾都无望过碟鸡软骨，自己出品都唔留意，差到咁都可以比人，亦浪费左食物，实在太过份，最终成碟2串食唔到。我地都费事换，因为觉得换完都唔会好食，整体质素低于水平，永不再黎。