熊本牛鍋 (永勝商業中心)

营业中

休息中

熊本牛锅价钱💲: $268好味程度😋: 3/5服务🍴: 3.7/5环境🗾: 3/5性价比🥢: 4/5回头率😚: 3/5-天气热都无阻打边炉。今次呢间任食竟然系无限时😱即系倾足成晚都可以一路食！鸡煲、打卡送海鲜再打边炉，食到超饱。而家叫皇牌套餐或者和牛套餐都有二人同行一人半价。估唔到系商业大厦入面都几多人食。-🆗鸡煲。鸡肉的肉质唔会好柴。超多酱汁包裹住，味道有d咸。食啲洋葱个啲就有蔬菜的甜味中和一下。-✅蒸海鲜。咁多种都新鲜既，带子同蚝都大只又肥美😋中意啲蚝的肚位好饱满。另外虾虽然唔系好大只，但肉质弹牙。仲有一款贵妃蚌咁，几鲜甜冇沙。-✅火锅。加左钱转蕃茄汤，果然好足料，里面有好多🥔，🍅都已经煲到烂晒☺️ 渌啲牛肉落去唔洗点豉油都够味！顶级牛小排同牛肩胛都好正，色泽红润，唔会好多肥膏😬 牛肩胛比较瘦，食落都唔会好鞋。牛小排油花分布平均又适中，入口软嫩有牛味，好高质🥳而配料我会推荐啲丸饺类、菜类。韭菜饺、馄饨等都新鲜大粒，个样唔错。另外仲有牛舌！呢个配🍅汤都好夹。-还可以的任食，卖点系抵食？冇限时同埋啲牛肉都唔错🤣 其他方面就要将就下。如果想可以坐足一晚的，就去试试啦。