味火鍋 (雅仕洋樓)

同朋友去咗味火锅打边炉，$359 任饮任食，仲可以食到凌晨1点，对于我哋呢啲夜猫嚟讲简直系天堂😂而且呢个价钱仲包齐头盘、火锅拼盘同无限量嘅火锅配料，真系食到饱冇得输。头盘可拣佛跳墙，芝士焗波士顿龙虾，老坛酸菜鱼或麻辣鸡煲我哋拣咗 老坛酸菜鱼，鱼片好大块，酸菜嘅酸度啱啱好，唔会过酸但又够开胃。鱼肉嫩滑，酸菜嘅味道渗入咗鱼入面，每一啖都好鲜甜，成个汤底饮落去酸辣开胃。汤底我哋拣咗两款，芫荽皮蛋汤同麻辣鸭血汤。芫荽皮蛋汤清甜香浓，好多芫荽，啲汤好鲜甜。至于麻辣鸭血汤，辣度适中，鸭血嫩滑得嚟又入味，麻辣嘅香气喺口腔入面散开，越食越辣但又停唔到口。中间圆圈嘅系清汤加姜，可以用嚟渌海鲜，原汁原味。海鲜拼盘好丰富，有大元贝，手打墨鱼丸，手打虾丸，鱼蛋，台山蚝，龙趸，海虾，蚬同日式蟹棒。每样海鲜都好新鲜，元贝好鲜甜，龙趸鱼片又滑又嫩，海虾弹牙，蚬冇沙亦都好鲜甜，成个拼盘真系可以食到各种海洋嘅味道。美国安格斯牛肉拼盘同样唔少得，入面有手切牛小排，牛肩胛同牛板键。牛肉质素高，牛小排脂肪丰富，煮一阵就入口即化，牛肩胛就比较嫩滑，牛板键较有咬口，牛味浓郁，正。除了以上，其他 丸类，饺类，肥牛，豚肉同蔬菜都可以