影片
更多
2021-07-16
139 浏览
寻日放假上左去住将军澳嘅朋友屋企打麻雀，大战左10个钟头之后终于散场，因为打到午餐都冇食，所以大家都特别肚饿，朋友就话屋企楼下有间新开冇耐嘅酒家不如去试下，跟住4条友就落楼了，去到后原来系一间叫「阿翁火锅馆」的酒家，门口知客就问我哋想食小菜定打边炉，我地睇完门口餐牌一致决定打边炉，最重要嘅原因系写明《无限时》可以慢慢食慢慢倾，讲返呢度嘅环境新装修都几富丽堂皇，枱与枱之间好有空间感，唔会摆到密质质，坐得好舒服，饮品方面火锅放题当然啤酒汽水都系任饮啦，嘢食我哋叫左个鸡煲(可无限加鸡的)，鸡件惹味嫩滑辣度适中好食，我哋仲追加多咗1 round添，跟住陆续送上呢个餐包嘅刺身拼盘有: 三文鱼、希灵鱼、墨鱼同北寄贝；海鲜拼盘有: 蛏子、生蚝、海虾、青口同龙趸片，刺身同海鲜拼盘都好新鲜 跟住再嚟鲍鱼同鹅掌同样出色牛颈脊好有牛肉味，睇啲纹理就知系靓货，水饺皇就足料虾肉爽口弹牙，其他任食配料如: 美国肥牛、猪肉片、羊肉片、鹅肠、虾滑、鱼皮、竹笙同墨鱼滑都水准唔错，特别推介鳝片同脆鲩片，因为太好食嘅关系我哋都叫咗好多转，肉质非常爽弹，呢间阿翁火锅馆无论食物质素同侍应服务都好好，今餐打边炉我地真系好满足又好
张贴
