醉翁亭火鍋館 (已結業)

有个钟意食火锅嘅朋友，每次聚会都系要食火锅，话咁会开心啲㖞，真系咩季节都要陪佢食火锅，冇计。今次拣左食观塘嘅醉翁亭。 无限时任饮任食，星期一至四 $298一位，餐厅facebook仲有coupon，show个图就可以位位减$30呀。一版系一次性项目，一版系任食项目，实行食到捧住个肚走。睇下一开始几大堆头！先食个刺身开开胃，全部都够新鲜，冇乜雪味。汤底可以免费拣精选锅底，好吸引㖞。 拣左川芎白芷大鱼头锅，奶白色嘅色汤，散发住独有嘅浓郁药材香味，好正。极级牛颈脊二人嚟讲份量非常多，如果出面餐厅散点，呢碟起码都要$300，牛肉味浓，油脂丰富，靓嘢嚟。蚝皇金钱花胶，咁巨型嘅花胶扒，一啖入口够满足。环球海鲜盘有7款海鲜，每款都劲新鲜，完全无挑剔。至尊水饺皇每位只有一只，皮薄馅靓，系珍宝级size，一咬开，里面啲馅多到爆出嚟，一口系食唔得晒架。任点项目我推介：美国雪花肥牛，好厚身，又有牛味。必点嘅系鳝，厚切、弹牙、爽口，回本之选！出面仲有啲小食同糖水，yummy！食物味道确系唔错，价钱合理。 最重要系无限时，可以慢慢食慢慢倾计，开心一整晚。