影片
更多
2019-01-23
1386 浏览
久仰「坤记煲仔小菜」大名已久，要数西环呢一个地方，美食真系好多，由其是煲仔饭，鼎鼎大名既三间分别系「尝囍煲仔小菜」、「永合成驰名煲仔饭」同埋「坤记煲仔小菜」，其实三间我都未食过，最后点解拣左「坤记煲仔小菜」？因为佢有分店，同埋2018年、2019年都入左米芝莲推介(「尝囍煲仔小菜」都系)，于是就试左「坤记」先。总店本身我地一行5人系先去和益大厦地下果间总店，6点去到见到条队唔算好长，排左10-15分钟左右，我地已经排到第5个左右，点知店员就话：「冇架啦，要等到21:30先有位。」，我地不约而同地目瞪口呆，比唔到反应，原来佢入面已经被人订哂位，街客起码21:30后先会有位座，店员仲话「你等到咪等，再唔系你去分店啦」，先知原来仲有另一间分店位于附近，不过，见识到「坤记」既人潮加上店员既态度，真系唔谂住再去佢分店，因为都唔知要等几耐。于是，我地5个人谂住去「永合成驰名煲仔饭」，因为算近，唔洗行好远，点知系路程中居然就见到「坤记」既分店，呢啲真系误打误撞，见佢门口冇咁多人排，加上呢间分店坐位多好多，所以就一于搏一舖，估唔到食个晚饭都要有搏下运既心态，于是店员比左张「9」号飞仔我地，比餐牌，叫我
总店
本身我地一行5人系先去和益大厦地下果间总店，6点去到见到条队唔算好长，排左10-15分钟左右，我地已经排到第5个左右，点知店员就话：「冇架啦，要等到21:30先有位。」，我地不约而同地目瞪口呆，比唔到反应，原来佢入面已经被人订哂位，街客起码21:30后先会有位座，店员仲话「你等到咪等，再唔系你去分店啦」，先知原来仲有另一间分店位于附近，不过，见识到「坤记」既人潮加上店员既态度，真系唔谂住再去佢分店，因为都唔知要等几耐。
于是，我地5个人谂住去「永合成驰名煲仔饭」，因为算近，唔洗行好远，点知系路程中居然就见到「坤记」既分店，呢啲真系误打误撞，见佢门口冇咁多人排，加上呢间分店坐位多好多，所以就一于搏一舖，估唔到食个晚饭都要有搏下运既心态，于是店员比左张「9」号飞仔我地，比餐牌，叫我地拣左煲仔饭嗌左先，因为需时1小时至1小时30分钟，拣好左同店员讲，就开展左漫长既旅程……
等呀等，依家叫到「5」号，以为4个号码好快？错啦，都足足等左45分钟先入座，一入座，店员会叫你嗌小菜食住等煲仔饭，所以你都会见到全部枱都唔会只叫煲仔饭，当然我地都叫左几碟。
环境及服务
真系好逼，基本上连行既位都冇，店员个个忙住出餐，亦都好难叫到个店员落单或者叫佢帮你拎野，我地5个人都坐左4人座位卡位再加张主席凳，座位十分逼，座得真系唔舒服，店员亦都做到上气唔接下气，态度称唔上恶劣，但服务就一定欠奉。
餐牌
佢叫得自己做煲仔小菜，又点会只系食煲仔饭呢？仲有煲仔小菜、小炒类等等，价格我觉得又唔算话特别贵，因为以佢名气黎讲，多人黎食，每人埋单都唔会话太贵，今次我地食左「荔芋油鸭煲」、「榄菜肉崧四季豆」、「椒盐九肚鱼」、「豉椒炒蚬」、「白鳝滑鸡煲仔饭」同埋「腊味排骨煲仔饭」，每人埋单$150都唔洗。
荔芋油鸭煲 $85
荔芋油鸭煲
$85
26 浏览
0 赞好
0 留言
荔芋油鸭煲
$85
26 浏览
0 赞好
0 留言
唔逐样讲，讲下值得食既其中一款，就系呢个「荔芋油鸭煲」。芋头有炸过，所以食落外层脆脆地，几有惊喜，份量亦够多，不过就有少少喧宾夺主既感觉，皆因油鸭份量比较少，而且骨比肉多，全部都有腌帮制过，食头几啖觉得好浓郁好入味，不过咬多几啖就觉得过咸，所以点解以芋头做配料，芋头配合得好好，可以中和返油鸭既咸度，不过建议油鸭份量增多，同埋咸度要调整下，但整体系唔错，值得一试。
白鳝滑鸡煲仔饭 $105
白鳝滑鸡煲仔饭
$105
28 浏览
0 赞好
0 留言
白鳝滑鸡煲仔饭
$105
19 浏览
0 赞好
0 留言
白鳝，唔好以为自己未食过，其实即系日本菜常用到既鳗鱼，只系日本多以蒲烧汁腌制，而广东做法系以蒸为多。呢到既煲仔饭，由排队果阵已经落单，果时系18:00，到20:10先上枱既煲仔饭，足足等左2小时，店员一送到就即刻拎走个盖，根本冇比时间我地倒完豉油盖返好焗好个饭，只好倒完豉油就开餐。白鳝同滑鸡份量正常，白鳝入口味道居然同日式蒲烧鳗鱼类近，肉卖嫰滑，刺唔算多，食到本身白鳝既鱼香，确实不错，而滑鸡就冇乜特别同可取之处，中规中矩，不过不失，至于成个煲仔饭既灵魂所在饭与饭焦，饭做到粒粒分明，唔会因为豉油而稔哂同烂哂，但饭焦呢？唔够多，唔够脆，唔够焦香，令人失望，知道餐厅生意多，不愁冇客人，但个煲盖可唔可以留返低唔收走？起码比我地做返个焗饭步骤，依家少左呢个步骤，令我疑惑系佢本身饭底就做得唔够焦？定就系因为冇做焗饭步骤以致有影响？
腊味排骨煲仔饭 $100
另一个叫左煲仔饭皇者配搭之一既「腊味排骨煲仔饭」，腊味有膶肠、腊肠、腊肉，油香唔算特别重，同埋对比膶肠、腊肉，认为腊肠会更加配煲仔饭，可以改全部为腊肠，又或者系增加腊肠份量，而减少其余两者，至于排骨，相对上真系较少，亦系冇乜肉好食，煮得唔算好稔，佢既豉油汁唔算特别甜，所以冇抢走腊味同排骨既味道，但呢一煲真系唔值得等2小时，系出面一啲出色啲餐厅或者老牌餐厅我相信都食到类近味道既煲仔饭，一定唔洗等咁耐。
总括黎讲，我觉得小炒、煲仔菜既水准都有中上水平，够镬气，味道够，价钱能接受，但至于煲仔饭，系咪真系值得用2小时去等候？加上坐得唔舒服，服务又唔好，而煲仔饭又未至于预期中咁好食，我既答案系唔值得，如果唔洗等位，咁岩经过呢头，入面冇乜人，或者会帮衬，叫我黎多一次同今日一样既经历，免了。
张贴
