茶東西

营业中

休息中

呢间你开咗冇几耐嘅时候，已经留意到佢闷外有标示无障碍入座安排，于是上次约咗一大班人谂住去食下午茶，但当时人太多，我哋又有成两三部轮椅，当时其实畀佢哋婉拒入座，心有不忿，怀疑佢哋门外嘅标贴其实系假嘅。隔咗好耐之后，今次咁啱约咗朋友食完lunch之后返教会，于是就在嚟呢度睇下佢哋系唔系会安排轮椅入座；今次虽然都系full House，但系望落去冇咗长长嘅人龙，所以同职员讲有轮椅嘅时候，佢哋都好细心安排适当座位。餐厅面积虽然细，但上上下职员都算有善，而且个装修都几靓，睇得出嘅细心。我哋分别叫咗两个餐，大虾喇沙配炒滑蛋多士，及安格斯汉堡咖哩滑蛋饭，两份都系跟餐饮。食物攞到上枱嘅时候，心中都哗咗一声，想唔到有咁足嘅份量；今时今日以呢个价钱，会有一人餐食唔晒嘅份量人，可以话系难得。分量多，外貌见得人，味道又好食；怪不得佢系北角佢仲多美食中，依然能屹立几年，没有被疫情拖垮，真心值得推荐大家帮衬。