無麵不歡 - 中華私房粉麵 (已結業)

作为中国人，粥粉面饭简直少不了🍜 呢个月要喺广华番学，自自然然要喺通菜街、豉油街等揾食，咁啱行过见到呢间「无面不欢」，谂都冇谂就入左去！佢地menu的确几多面款选择，仲要每种都几特别，有汤面、拌面等，亦有一系列小食。我地一人叫左一个面、一款小食同饮品，再加多个生菜share。上先既系「原创胡椒猪肚鸡面」($68)。见到佢用铁锅上觉得好架势，食到尾都系热辣辣、出哂烟咁。成锅都好多猪肚，煮得算腍身。鸡件都唔少，不过有啲多骨，但咁既价钱算系物超所值！再上就系我叫既桂林米线，只系$38大大碗好抵食，仲要面头啲料摆得好有心机，啱哂我影相😂 汤底唔系好辣但好香浓，米线够弹牙，同啲配菜好夹，好味道！ 小食方面，我地叫左蛋饺、手撕鸡同菜。蛋饺喺第二度未食过，有啲油但味道系正既！手撕鸡整得好入味，满足到我地呢两个辣控！😍 菜则好大份量，仲落左几粒杞子吊味，好有住家feel👍🏻饮品除左一般汽水外，有啲较特别既选择。我几中意我拣左既岩盐芝士奶茶，甜甜地几好饮。