意房菜

营业中

休息中

以前经常过来食嘅旺角意房菜，第五波疫情过后已好耐无嚟，今日久别重逢，略有惊喜。叫咗半打生蚝，4只广岛蚝及2只法国蚝，价钱系$115。原本只系想叫$100/5只，但店方话加$15就有半打，所以就叫够半打。广岛蚝依旧大只，今日嘅蚝比以前少咗少许嘅creamy，但就增加咗少少嘅鲜。法国蚝每次嚟叫都无货，今次第一次食，比较咸及浓味一啲。个人都系喜欢广岛蚝，易入口之余，够大只够饱肚。跟汤嘅蒜蓉包，比较干身酥皮忌廉汤，即叫即焗，所以要稍等一阵。感觉个酥皮比以前香口咗，亦多咗份蛋黄香。先来鹅肝牛柳，首先个餐加咗$10，由以前嘅$99调升至$109，加大鹅肝方面由就调升至$29。味道方面，牛柳好似多咗赚香草味，而黑椒汁就重咗黑椒味。酥皮方面如酥皮汤系有所提升。杂扒就不过不失，正常发挥啦。以前过嚟食店面总系人头涌涌，唔知是否太忙而导致质素有所下降。而今日过嚟食嘅时候系正常人流，终于可以感受返佢应有嘅质素。