北海道食堂 (已結業)

趁8号风球未打到黎，今日决定收工之后一定要食返餐饱饭奖励吓自己！最后我哋决定拣返屋企附近嘅放题，佢就系位于沙田中心嘅北海道食堂喇～我哋拣咗佢嘅晚市任食2.5小时极上放题，menu睇落都算有好多选择，例如：寿司、刺身、串烧、天妇罗、火锅等等，都几吸引㗎🥰除此之外，饮品方面都有唔同嘅种类，有成3个饮品柜俾你慢慢拣，亦都有茶同啤酒等等🍻而我最推介嘅食物一定系佢哋嘅刺身，例如：三文鱼！食落好有浓香嘅三文鱼味，厚薄切得啱啱好，油脂分泌好平均，而北寄贝都好新鲜，食落好鲜甜爽口，放题黎讲质素真系算系唔错架😂另外日式火锅都唔错，牛肉份量好多，肉质都可以～炸物方面好多都做得唔错，我最钟意嘅就系咖喱角同炸饺子，馅料十足，食落又唔会觉得好油🥰烧物方面都正正常常，但略嫌调味太单一只有盐烧，如果有孜然粉味应该会正好多〜甜品部份今日只系得任食维记雪米滋，店员话平时会有雀巢雪糕🍦