澳門茶餐廳 (已結業)

放学一行五人, 有人约会未够钟, 便动议落JC睇价位。途经此地, 我见葡挞几靓仔, 便动议食件饼。一行五人走上楼上雅座, 六人卡位坐得几舒服, 又有大电视播两台新闻, 感觉都唔错。有的死砌烂砌, 有的钻研攻略, 我就有理无理, 先选定猪扒包拼炒蛋饮热央。唔使一阵就有得吃。猪扒包的猪扒我一向唔欣赏, 最怕其滑滑的口感, 又无肉味(类似麦记个滑猪扒包果只, 系我最怕的猪扒。), 犹幸个包叫脆得来唔似大利来记般唔松软, 吃半个刚好。炒蛋个样几好睇, 食落都唔错, 夹入猪扒包度吃, 味道真好。跟友人交换了葡挞一件, 葡挞够热够松脆, 蛋馅几香浓, 系多油左少少, 用纸巾索左d油来吃, 几满意。热央不热, 啡味不突出, 跟友人的奶茶是同色同味的。后悔位。阿姐几勤快, 来落单收野都几好礼貌。$24, 以食物来计, 系几贵。不过跟友人吹吹水打打机, 不亦乐乎。讲开又讲, 此处的下午茶供应至七时, 方便我等六时才吃茶的人; 但系, 世界上好多地方的人, 七点已经吃过晚饭冲凉训觉架喇。香港人真系忙碌。