野郎Stone (已結業)

间唔时想锯扒又未至于想豪洗几百食靓牛，近年兴起既石板烧都系一个好选择。 之前食过其他石板烧店不过不失，纯为过下口瘾就拣左呢间好评度超高既野郎stone，都有d惊喜。做足功课，见好多人推介牛肋间隔膜，当然要试下。 见牛皇推介榜排榜首，标榜味浓，都有D期待。 上台见到系厚切圆润既，切开好有肉汁，大概封煎左几秒，依然咬到好多肉汁、软腍有牛味。台上有三款调味：烧肉汁、酱油同盐，以我咁重口味都可以讲句，其实本身已经腌得好够味，唔点酱配埋蒜片已经好惹味。另外朋友试咗翼板，睇个样似我哋平时食开嘅牛扒多啲，食落同样重牛味，但比起牛肋间隔膜冇咁多肉汁，口感亦比较挺身，有平时锯扒嘅感觉多啲。总括嚟讲唔同部位嘅牛肉都几高质，因为位置比较偏僻唔算好多人，虽然常满但都唔使点排队就入得，即兴想食石板烧都系唔错嘅选择。