犢食 (已結業)

呢排成日要食外卖，紧系揾d特色野食。呢间舖头主打丼饭同埋日式咖喱，我哋三个就每人点一个餐再share嚟食。佢个前菜系有d甜甜地既木耳，几开胃。我叫咗个芝士汉堡扒汤咖喱定食，佢块汉堡扒好Juicy，扒上面仲铺咗阵薄薄嘅芝士，佢个日式咖喱汁唔算辣偏甜，啱晒我呢啲唔食得辣嘅人。值得一赞嘅系佢有好多蔬菜，例如西兰花、茄子、瓜同薯仔，喺抗疫时真系觉得好窝心！朋友叫咗个南蛮炸大鸡丼饭，佢个鸡炸得几入味，炸粉唔多反而鸡肉几多，配埋啲酸柠檬汁好醒位，同埋佢仲有块蛋同啲紫菜，成个饭都几多野食！另外个朋友叫左炙烧豚角煮丼，佢有秋葵即刻心心眼左，佢d豚肉唔算肥都有肉同埋好香，同d木鱼丝好夹。佢个汤几浓味但唔系味精个种味，都几好饮。