焱丸水產 (已結業)

今日同女朋友来食午餐，女朋友最爱日本菜，刚好佢就快到日本旅行，有一段时间见唔到佢当然要带佢黎食最爱的日本菜。蕃茄豆腐麻酱沙律。香口芝麻酱加上香甜蕃茄，每口清新最岩夏日食用。沙律菜爽甜，豆腐又有营养。野菜天妇罗。香口天妇罗炸粉唔厚，伴上蔬菜减低油腻感。三文鱼什菇牛油烧。三文鱼咸香嫩滑，加上中量菌类，牛油味浓香口，每口都好滋味。大虾烧得香甜香嫩，炭香味浓滋味，大虾肉质爽弹鲜甜！甜酱牛肉锅！牛肉香嫩入口松化，甜酱汤底唔会太咸，加上乌冬非常饱肚。