桔梗 (已結業)

近排疫情冇咁严重，即刻约朋友去旺角，行街睇戏食饭，喺朗豪坊附近行咗好耐，有啲肚饿，所以喺OpenRice望吓有咩食，见到附近有间转系食牛肉嘅日式菜即刻去试吓，因为我同朋友都好钟意食牛肉。桔梗 地址喺旺角砵兰街160号地下，喺朗豪坊附近，去到舖头门口见到饭厅好大，座位嘅空间十分足够，望落去俾人感觉简约舒适。日本A4黑毛和牛肉燥饭加糖心蛋 88 元肉操饭配料份量都非常多，糖心蛋开边，卖相都几吸引，加上黑毛和牛嘅味道好香，入口有即溶嘅感觉，牛肉香味非常之重，肉质比较嫩滑，配上日本珍珠米，令到口感同味道层次都好丰富，牛肉香味入口不散。明太子锅烧乌冬配炸吉列和牛 168 元和牛炸到金黄色，而且一啲都唔油腻，黄牛经过炸过，完全保留到牛肉嘅肉汁，多一点油炸嘅香味。值得一试。乌冬方面，有好多日式配料，就好似一个日式火锅浓缩左放入乌冬上面，明太子配鸟冬真系好有惊喜，可能自己比较钟意食明太子，带有小小咸香，明太子比鲜甜，配埋乌冬一齐食，真系好正。差唔多食完嘅时候，见到隔篱枱食关西风寿喜烧，味道好香，而且牛肉非常之吸引，所以我哋决定下个礼拜再来试吓佢。