Yukkuri

营业中

休息中

之前经过 ❥⧽𝐘𝐮𝐤𝐤𝐮𝐫𝐢 ❥⧽ 2 次都因为无订位所以食唔到, 今次乖乖订位非食不可。一拉开木门犹如进入另一时空, 店舖充满日式古典风, 摆卖著不同小物, 看著看著步伐也会慢下来。等咗一阵就可以入去坐低, 整个环境都好舒适, 光线柔和, 枱与枱之间嘅距离令大家都可以拥有小小嘅私人空间。𓊈前菜 ✧ 大根之煮物 ✧ 酱油脆心糖心蛋 ✧ 盐糀豆腐渍 ✧ 海苔樱花虾薯仔沙律𓊉本身好喜欢食糖心蛋, 所以偏心地觉得好好食。大根好入味软腍。薯仔沙律略嫌有少少咸。𓊈慢煮香草柠檬三文鱼配荞麦面𓊉摆盘好靓呀, 三文鱼鲜嫩肥美, 荞麦面面层舖上樱花虾, 不过味道偏清淡。𓊈花椰菜白味噌汤配野菜饺子𓊉将汤打成泡沫好特别, 花椰菜味好突出, 不过野菜饺子有少少黐埋一齐。而最可惜嘅系份量比较细份...𓊈是日甜品 ✧ 柠檬 madeleine𓊉淡淡柠檬香, 味道唔会太甜。𓊈浓厚抹茶牛奶𓊉心心拉花好靓, 抹茶味浓。✧✧ 整体食物份量比较细所以价钱显得有少少贵, 不过店员好有礼貌, 环境亦令人放松舒适, 值得一去。