和歌山 (樂富廣場)

营业中

休息中

今日系同老公既拍拖周年，平时收工成日都经过乐富和歌山，但次次都赶住返屋企煮饭，所以一直都冇机会食。点知老公俾我既惊喜，就系book左呢间餐厅啦！😆铺头好有日式风格，而且每张枱都隔到有一定既距离，又唔洗搭枱，可以同老公两个人sweet sweet咁倾计，坐到劲舒服！我哋叫左安格斯牛小排锅配搭清甜寿喜汤，天气咁冻，打边炉简直一流，而且卖相好靓，六官格仔既摆盘，有肉有菜，好丰富。另外我哋都嗌左个三重吉列定食，配料有炸蚝、炸虾同炸猪扒。每一件炸物都劲juice，再配埋柠檬汁，简单一流；而且个椰菜丝有埋柚子香，我第一次食晒啲配菜！😎老公话想试下个自家制牡蛎饺子，食落真系有劲浓既蚝香味，皮薄馅劲多，食完都觉得好满足。😁👍我哋叫左一杯冻既和歌山水果茶王同埋西柚玫瑰花果茶，水果茶入面有埋士多啤梨同其他既果肉，而且百香果既味劲浓，饮落劲fresh! 而杯西柚玫瑰花果茶系劲浓既玫瑰味，我不嬲都好钟意饮玫瑰花茶，加埋西柚感觉好健康，简直系完美嘅组合！今次真系食得好开心，职员服务态度亦都好好，会主动加汤，而且好贴心。我哋有咩需要，他们都会即时协助。最紧要系价钱非常亲民，性价比超高！😍👍🙌