影片
更多
2023-05-16
2969 浏览
成日都系见到介绍旋风蛋，今日终于有机会食到😋餐厅喺中环IFC，九龙区都有分店，仲可以网上订位。想去中环分店，暂时要用电话订座。餐厅唔难揾，旁边有几间食肆，好多人来来往往。好在预先电话订位，前排开关再加上五一假期，好多人喺门外排队等位。入座之后好似听到职员同客人喺座位上沟通有啲误会，不过好快就settle咗。基本大部份菜色都可以拣配旋风蛋或者单纯丼饭，主菜嘅配搭大致上都差唔多，价钱大约相差$30-40左右。有旋风蛋蛋价钱会高啲，丼饭价钱就平啲。肉类可以拣牛、猪、鸡、海鲜，甚至只系要蔬菜都可以。除咗主食，仲有串烧、小食、甜品，食物选择都几多。主食可以拣唔同酱汁，有日式咖哩汁、鲜蕃茄汁、奶油蘑菇汁。酱汁最多可以同时拣两款，岩哂我哩啲贪心咩都想试嘅😆而米饭，可以拣白米或者十六谷米，或者唔要饭换成野菜都可以，方便on diet嘅朋友。我哋拣咗三款主食，另外加咗两个小食。但可惜漏单🥲，最后我哋选择取消个小食。烤特上一吋牛脷旋风蛋 配日式咖哩汁、奶油蘑菇汁 ($178)朋友拣咗烧厚切牛脷，一份有三大片，每片半个掌心咁大，而且每片都好厚身。口感好淋，但又唔系淋到梅，仲有少少弹牙。胡椒烤橡果黑豚后腿肉旋
餐厅喺中环IFC，九龙区都有分店，仲可以网上订位。
想去中环分店，暂时要用电话订座。
餐厅唔难揾，旁边有几间食肆，好多人来来往往。
好在预先电话订位，前排开关再加上五一假期，好多人喺门外排队等位。
入座之后好似听到职员同客人喺座位上沟通有啲误会，不过好快就settle咗。
基本大部份菜色都可以拣配旋风蛋或者单纯丼饭，主菜嘅配搭大致上都差唔多，价钱大约相差$30-40左右。有旋风蛋蛋价钱会高啲，丼饭价钱就平啲。
肉类可以拣牛、猪、鸡、海鲜，甚至只系要蔬菜都可以。
除咗主食，仲有串烧、小食、甜品，食物选择都几多。
主食可以拣唔同酱汁，有日式咖哩汁、鲜蕃茄汁、奶油蘑菇汁。
酱汁最多可以同时拣两款，岩哂我哩啲贪心咩都想试嘅😆
而米饭，可以拣白米或者十六谷米，或者唔要饭换成野菜都可以，方便on diet嘅朋友。
我哋拣咗三款主食，另外加咗两个小食。
但可惜漏单🥲，最后我哋选择取消个小食。
烤特上一吋牛脷旋风蛋 配日式咖哩汁、奶油蘑菇汁 ($178)
朋友拣咗烧厚切牛脷，一份有三大片，每片半个掌心咁大，而且每片都好厚身。
口感好淋，但又唔系淋到梅，仲有少少弹牙。
胡椒烤橡果黑豚后腿肉旋风蛋 配日式咖哩汁、奶油蘑菇汁 ($208)
我就拣咗配十六谷米，平时屋企都间唔中食红米饭，有时又会加藜麦，所以都好习惯食谷米饭🍚
好难得喺街食饭，都可以食到谷米饭。
黑豚肉烧得好香，肉质同样好淋。
胡椒味唔算太重，岩岩好。
主菜份量多，黑豚肉有四至五片。
不过个咖哩汁比想像中辣好多😳，初头谂住日式咖哩应该全部都差唔多味，无谂过系咁辣。
好在仲有叫奶油蘑菇汁，可以中和少少个辣味。
烤无激素走地鸡扒旋风蛋 配日式咖哩汁 ($168)
我哋猪、牛、鸡都有叫，可以每样都试到😌
鸡扒同黑豚肉份量一样咁多，有成四至五片。
而且唔系薄切，唔系将一片鸡扒分两片咁。
不过食到第三个主菜，就觉得全部烤肉都系一样味。
总结一下，食物份量几大，最后我哋都食唔哂，好在小食漏单，如果唔系就浪费咗。
食物质素、份量同味道都同价钱成正比。
餐厅喺IFC嚟讲唔算贵，不过$200一个人，一份蛋包饭，未计饮品，计落就略嫌有少少贵。
主菜个咖哩汁偏辣，唔食得辣的话要注意。
因为餐厅嘅设计，无放吸声嘅摆设，所以觉得成个地方都好应声。
其他客人无好大声倾计，大家嘅声量都系正常，但系成个环境都好嘈。
成个用餐时间，餐厅都好繁忙，但职员仍然好有礼貌，客人有需要嘅时候，好快速可以提供协助。
想系IFC食个快饭的话，可以考虑嚟试下。
张贴
