黑木亭-お食事処 (玉成大廈) (已結業)

每次逛千色店，都会经过黑木亭呢间日式料理，今晚终于决定入去食餐靓靓日本餐。 嚟得早，餐厅未算好多人。坐低后，侍应就细心帮我地斟茶，又介绍店中有咩新鲜刺身、特色饮品，感觉非常亲切。 我地就听侍应嘅建议拣左二人晚餐。头盘：🍣三点刺身盛 - 大大只厚身鲍鱼、鲜味三文鱼及油甘鱼。大大件，好抵食。 跟住就有同样大大件嘅鳗鱼牛蒡炸虾卷🍤- 呢个炸物组合几特别。啱啱炸好热辣辣，牛蒡减低了炸物嘅肥腻感，食完都唔会有罪疚感😁。 主食：松叶蟹石头锅饭🥣-有蟹脚同新鲜嘅刺身；呢个价钱食到呢个餐，价钱合理。尤其系个颜色靓到绝嘅海胆，正！ 88MM直径A5和牛球石头锅饭🥘-最开心系侍应会帮我地拌饭，唔洗惊烫热会辣亲手，好贴心。佢仲一边讲解要即拌嘅原因，系因为热力要够高，先至可以迫出A5和牛嘅油脂，饭味就会更香。 特色饮料：蜜桃乌龙熊茶🐻- 啤啤熊特饮甚得好友欢心，狂打卡。百香果特饮就酸甜度啱啱好，令人开胃，增加食欲。 总结系，买相、价钱、味道都唔错，可以再嚟食过。