影片
更多
2015-05-01
4573 浏览
游完水去揾食都较难，因为好多餐厅都落场，选择唔多！上网揾到呢间日式食店无落场，入到地下大堂，有种好俗嘅香精味，真系好恶顶！唔该换咗佢！大堂一眼望见嘅䢂都唔上5楼，要问大堂职员先知仲有一部比较隐蔽嘅䢂上去！门口已经非常和式，店员比我哋坐一张靠窗嘅四人枱，好阔落！地方光猛干净！好静好舒服！呢间以定食为主！大家各叫一个定食！烧厚切盐曲牛舌饭（$108）牛脷比较厚，又比较韧，唔够热，好似大碗饭，一碗有晒沙律、牛脷、薯泥、白饭，沙律菜比较老，酸汁流埋落饭度，唔系咁好，薯泥冻，有份量，味道几清，珍珠米烟韧，前菜青瓜红萝卜正常，但白萝卜好苦涩！同店员反映过！佢话会通知厨房！手制竹席冷荞麦面（$80）竹𥱊上，好日式感觉，餐具好精致！卖相靓，唔大份，荞麦面唔滑，但满口麦味，肥髀沾净冷面汁比较寡（佢唔钟意加配料）冰凉好味！蒸蛋够滑，入面足料！杂锦串烧A($100)好多款式，抵食，热辣辣，除了鲜菇比较干之外！其他都好味！牛肉串烧（$40）烧到热辣辣，油份出晒来，牛肉唔老，好香口！好味！店员斯文有礼，地方好坐，不失一个啱晒我哋游完水嘅选择！
门口已经非常和式，店员比我哋坐一张靠窗嘅四人枱，好阔落！
地方光猛干净！好静好舒服！呢间以定食为主！大家各叫一个定食！
烧厚切盐曲牛舌饭（$108）牛脷比较厚，又比较韧，唔够热，好似大碗饭，一碗有晒沙律、牛脷、薯泥、白饭，沙律菜比较老，酸汁流埋落饭度，唔系咁好，薯泥冻，有份量，味道几清，珍珠米烟韧，前菜青瓜红萝卜正常，但白萝卜好苦涩！同店员反映过！佢话会通知厨房！
手制竹席冷荞麦面（$80）竹𥱊上，好日式感觉，餐具好精致！卖相靓，唔大份，荞麦面唔滑，但满口麦味，肥髀沾净冷面汁比较寡（佢唔钟意加配料）冰凉好味！蒸蛋够滑，入面足料！
杂锦串烧A($100)好多款式，抵食，热辣辣，除了鲜菇比较干之外！其他都好味！牛肉串烧（$40）烧到热辣辣，油份出晒来，牛肉唔老，好香口！好味！
店员斯文有礼，地方好坐，不失一个啱晒我哋游完水嘅选择！
张贴
